-
بلیو بیئرڈز سکس وائیوز (انگریزی: Bluebeard's Six Wives) 1950ء میں منظر عام پر آنے والی ایک مزاحیہ فلم ہے، جس کی ہدایت کاری کارلو لڈوویکو بریگاگلیا نے کی۔ اس فلم میں Carlo Ninchi، Mario Castellani، Tino Buazzelli، آیزا بارزیزا اور ٹوٹو نے اپنی اداکاری کے جوہر دکھائے، Pippo Barzizza نے اس کی موسیقی ترتیب دی۔
-
سیکسی امریکی مصنفہ جوائس کیرول اوٹس (Joyce Carol Oates) کا ایک ناول ہے۔ یہ پہلی بار 2005ء میں شائع ہوا اور نوجوان قارئین کے لیے لکھا گیا ان کا چوتھا ناول ہے۔ کتاب میں کم سنی میں جنسی رغبت، ہم جنس پرستی اور قبل از شادی جنسی تعلقات جیسے موضوعات کے ساتھ ساتھ بالغ زبان کا استعمال کیا گیا ہے، جس کی وجہ سے اسے بعض اسکول لائبریریوں میں پابندی کا نشانہ بنایا گیا۔
-
انا لله و انا الیہ راجعون (عربی: إِنَّا لِلَّٰهِ وَإِنَّا إِلَيْهِ رَاجِعُونَ) آیت استرجاع کہلاتی ہے جو قرآن میں سورۃ البقرہ کی آیت 156 سے ماخوذ ہے۔ اس کا مطلب ہے: "ہم اللّٰہ کے ہیں اور ہمیں اللّٰہ ہی کی طرف لوٹ کر جانا ہے (یعنی مرنے کے بعد)۔" جب مسلمان کسی کی موت یا مصیبت کی خبر سنتے ہیں تو یہ آیت پڑھتے ہیں۔ وہ اس آیت کو تعزیت کے لیے بھی استعمال کرتے ہیں اور خصوصاً مصیبت یا نقصان کے وقت صبر کی گواہی دیتے ہیں۔ بے شک مُسلمین کو (مُصیبت اور نقصان کے وقت) صبر اور نماز کے ذریعے اللّٰہ سے مدد لینے کا حُکم ہے۔
-
-
حذیفہ بن یمان رضی اللہ تعالیٰ عنہ (20ق.ھ / 36ھ) کی کنیت عبد اللہ ہے آپ کا مکمل نام ”حذیفہ بن حسل بن جابر“ ہے، ان کے والد کا اصل نام ”حسل“ تھا لیکن وہ ”یمان“ کے لقب سے مشہور ہوئے۔اس لقب پڑنے کی وجہ یہ ہے کہ حضرت حذیفہ بن یمان کے والد ”حسل“ انصار کے ایک قبیلہ ”بنو اشہل“ کے حلیف بنے اور وہ قبیلہ چونکہ ملکِ یمن میں رہتا تھا ، لہٰذا اسی کی طرف نسبت کرتے ہوئے انھیں”یمان“ کا لقب دیا گیا۔حضرت حذیفہ رضی اللہ عنہ کے والد اور والدہ دونوں صحابہ میں سے تھے۔ ان کے والد ”یمان“ کی شہادت غزوہ احد میں مسلمانوں کے ہاتھوں ہوئی۔ وہ اس طرح کہ حضرت حذیفہ اور ان کے والد دونوں غزوہ احد میں شریک تھے اور مشرکینِ مکہ کے خلاف لڑ رہے تھے اور اس زمانے مین چونکہ خود وغیرہ پہن کر لڑتے تھے؛ اس لیے حضرت حذیفہ کے والد حضرت یمان کو صحابہ پہچان نہ سکے اور ان پر حملہ کر دیا،حضرت حذیفہ نے جب یہ دیکھا تو انھیں روکنے لگے؛لیکن تب تک ان کے والد حضرت یمان شہید ہو چکے تھے۔حضرت حذیفہ اور ان کے والد غزوہ بدر میں شریک نہیں ہو سکے، اس کی وجہ یہ تھی کہ یہ دونوں حضرات ہجرت کر کے مدینہ منورہ آ رہے تھے کہ راستے میں کفار نے انھیں روک لیا اور پوچھا کہ کیا تم محمد (ﷺ) کے پاس جانا چاہتے ہو؟ انھوں نے کہا: ہم ان کے پاس نہیں؛ بلکہ صرف مدینے میں جانا چاہتے ہیں، تو کفار نے ان سے اللہ کا نام لے کر عہد و پیماں لیا کہ وہ مدینے جائیں اور حضور ﷺ کے ساتھ ہوکر نہیں لڑیں گے،پھر جب وہ دونوں رسول اللہ ﷺ کی خدمت میں حاضر ہوئے اور پورا واقعہ بیان کیا، تو آپ ﷺ نے ان سے فرمایا: ”انصرفا، نفي لہم بعہدہم، ونستعین اللّٰہ علیہم“ تم مدینے چلے جاؤ! ہم ان کا عہد پورا کریں گے اور ان کے خلاف اللہ تعالی سے مدد چاہیں گے۔حضرت حذیفہ رضی اللہ عنہ کی ایک اہم خصوصیت یہ تھی کہ انھیں اپنے جذبات پر مکمل قابو اور کنٹرول تھا، کیسے بھی تکلیف دہ حالات ہوں؛ لیکن حضرت حذیفہ کبھی اپنے جوش وجذبے کے ہاتھوں مغلوب نہیں ہوئے، جیساکہ درج ذیل دو واقعات سے یہ بات واضح ہوتی ہے۔ ان کے والد یمان کو ان کے سامنے شہید کیا گیا؛ لیکن ان کے منہ سے صرف اتنا نکلا:یغفر اللّٰہ لکم“ اللہ تعالی تمھیں بخشے۔حضرت حذیفہ رضی اللہ عنہ میں وہ تمام صفات موجود تھیں جوکسی کو رازدار بنانے کے لیے ضروری ہوتی ہیں اور ان میں بالخصوص اپنے جوش وجذبات پر کنٹرول اور قابو رکھنا ہے؛ چنانچہ انھیں خدادا صلاحیتوں کی بنا پر حضور ﷺ نے انھیں اپنے رازدار بنانے کا شرف بخشا اور فتنوں سے متعلق اور منافقین کے ناموں اور ان کے احوال سے متعلق پوری تفصیل سے حضرت حذیفہ بن یمان کو آگاہ کیا۔حضور ﷺ کے اس رازدار صحابی کا انتقال محرم الحرام، 36ھ میں مدائن میں وفات پائی۔ عمر بن خطاب رضی اللہ عنہ کی شہادت کے چالیس دن بعد بار بار عثمان بن عفان رضی اللہ تعالیٰ عنہ پوچھا کرتے تھے، اے حذیفہ!
-
لالہ لاجپت رائے یا لالہ لاج پت رائے (انگریزی: Lala Lajpat Rai، پنجابی= ਲਾਲਾ ਲਾਜਪਤ ਰਾਏ)، (پیدائش: 28 جنوری، 1865ء - وفات: 17 نومبر، 1928ء) ہندوستان کے مشہور اور معروف انقلابی لیڈر اور تحریک آزادی ہند کے مجاہد تھے۔ اس کے ساتھ ساتھ وہ ادیب اور مورخ بھی تھے۔ ہندوستان کی آزادی کے لیے ان کی سیاسی جدوجہد تاریخ کے سنہری حروف میں لکھی جاتی ہے۔
-
فروخت کا معاہدہ (انگریزی: Contract of sale) ایک قانونی معاہدہ ہوتا ہے جس میں اثاثہ جات کی فروخت (اشیاء یا جائداد) شامل ہوتی ہے جسے بیچنے والا یا خریدنے والا کسی تسلیم شدہ خریدار یا فروشندے کے ساتھ رضا مندانہ طور پر رقمی یا رقم کے مساوی کسی اور قدر میں طے کرے۔ یہ قدیم دور سے چلی آ رہی خرید و فروخت کا طرز عمل رہا ہے۔
-
-
سانحۂ کربلا یا واقعہ کربلا یا کربلا کی جنگ 10 محرم 61ھ (بمطابق 9 یا 10 اکتوبر، 680ء) کو، موجودہ عراق میں کربلا کے مقام پر پیش آیا۔ یہ جنگ نواسہ رسول حضرت امام حسین ابن علی، ان کے حامیوں اور رشتہ داروں کے ایک چھوٹے سے گروہ، حسین ابن علیؓ کے ساتھ 72 ساتھی، کچھ غلام، 22 اہل بیت کے جوان اور خاندان نبوی کی کچھ خواتین و بچے شامل تھے اور اموی ظالم حکمران یزید اول کی ایک بڑی فوج کے مابین ہوئی۔جس کو حسین ابنِ علی نے تسلیم کرنے سے انکار کر دیا تھا۔جس میں اموی خلیفہ یزید اول کی فوج نے پیغمبر اسلام حضرت محمد صلی اللہ علیہ و آلہ وسلم کے نواسے حسین ابن علی اور ان کے رفقا کو لڑائی میں شہید کیا، حرم حسین کے خیموں کو لوٹ لیا گیا اور بالآخر آگ لگا دی گئی۔ عمر بن سعد کی فوج نے کربلا کے صحرا میں مقتولین کی لاشیں چھوڑ دیں۔ بنی اسد کے لوگوں نے لاشوں کو تین دن بعد دفن کیا۔ واقعہ کربلا کے بعد، حسین ابن علی کی فوج سے وابستہ متعدد خواتین اور بچوں کو گرفتار کر کے قید کر دیا گیا، بازار اور ہجوم والے مقامات سے گذر کر ان کی توہین کی گئی اور انھیں یزید ابن معاویہ کے دربار شام بھیج دیا گیا تھا۔ جنگ میں شہادت کے بعد حضرت امام حسین کو سید الشہدا کے لقب سے پکارا جاتا ہے۔
-
حیفا (عبرانی: חֵיפָה، نقحر: حیْفٰه) یروشلم اور تل ابیب کے بعد اسرائیل کا تیسرا سب سے بڑا شہر ہے۔ 2006ء کے مطابق اس کی مجموعی آبادی بمطابق 2,79,591 ہے۔ حیفا کو بہائی عالمی مرکز کا جائے وقوع ہونے کا شرف حاصل ہے۔ بہائی عالمی مرکز کو یونیسکو عالمی ثقافتی ورثہ کا درجہ ملا ہے ۔ اور یہ بہائی مذہب کے ماننے یہاں کی مقدس زیارت کو آتے ہیں۔ ۔ اسرائیل کی معاشیات حیفا کا بہت اہم کردار ہے۔ اسرائیل کا سب سے پرانا اور سب سے بڑا ہائی ٹیک پارک مطعم حیفا ہی میں واقع ہے۔
-
زمان علی کھوکھر بن قطب حیدر غازی (قطب شاہی علوی اعوان) کا نام زمان علی تھا والدہ کا اسلامی نام بی بی زینب تھا جو کھوکھر راجپوت رئیس کی بیٹی تھی مزمل علی کلگان زمان علی اور در یتیم جہاں شاہ کی والدہ کا نام زینب ہی تاریخی کتب باب الاعوان زاد الاعوان، تاریخ اقوام پونچھ، تحقیق الاعوان وغیرہ میں لکھا ہے اور زمان علی کی اولاد قطب شاہی کھوکھر لکھی ہے وجہ تسمیہ کھوکھر میں کئی روایتیں بیان کی جاتی ہیں تقریباً تمام مصنفین اس ایک روایت پرمتفق نظر آتے ہیں کہ زمان علی کی والدہ اور بیوی دونوں کھوکھر رئیس کی راجمکماری تھی۔ اس لیے ان کی اولاد کھوکھر کہلانے لگی۔ اور زمان علی ہنود کے خلاف جہاد کیا کرتا تھا۔ راج کماری بھرت کو مسلمان کر کے نکاح کر لیا۔ بھرت کھوکھر اسی راج کماری بھرت کی اولاد سے ہیں۔ زمان علی کے دو فرزندان سجن اور وگھیرا تھے۔ سجن کے فرزند کوٹ کی 23ویں پشت میں مشہور روحانی بزرگ حضرت شمس الدین سیالوی گذرے ہیں۔ اور حضرت علی ؓ کے فرزند حضرت ابو الفضل عباس علمدار علیہ کی اولاد سے قطب حیدر شاہ کے فرزند زمان علی کھوکھر کی اولاد سے ہیں وہ اعوان ہیں۔ زمان علی بن قطب حیدر شاہ کی اولاد سے بذیل گوتیں قابل ذکر ہیں۔ سیال، ملوک شاہی، قطب شاہی کھوکھر۔ زمان علی کھوکھر کی اولاد پاکستان آزاد کشمیر ومقبوضہ کشمیر کے مختلف اضلاع میں آباد ہے۔ مرات الاسرار میں گل رخ کھوکھرشہید کانام یہ بات تحقیق طلب ہے کہ گل رخ کھوکھرشہیدکس کی اولاد سے ہیں۔
-
منشی پریم چند اردو کے نامور ناول نگار اور افسانہ نگار ہیں۔ ان کا اصلی نام دھنپت رائے ہے، لیکن ادبی دنیا میں پریم چند کے نام سے مشہور ہیں۔ وہ 1880ء میں منشی عجائب لال کے وہاں ضلع وارانسی مرٹھوا کے گاؤں لمہی میں پیدا ہوئے۔ان کے دادا گاؤں کے پٹواری اور والد ایک ڈاک خانے میں کلرک تھے۔ پریم چند ایک غریب گھرانے سے تعلق رکھتے تھے۔ آپ نے تقریباً سات آٹھ برس فارسی پڑھنے کے بعد انگریزی تعلیم شروع کی۔ پندرہ سال کی عمر میں شادی ہو گئی۔ ایک سال بعد والد کا انتقال ہو گیا۔ اس وقت آٹھویں جماعت میں پڑھتے تھے۔ پورے گھر بار کا بوجھ آپ پر ہی پڑ گیا۔ فکر معاش نے زیادہ پریشان کیا تو لڑکوں کو بطور استاد پڑھانے لگے اور میٹرک پاس کرنے کے بعد محکمہ تعلیم میں ملازم ہو گئے۔ اسی دوران میں بی۔ اے کی ڈگری حاصل کی۔
-
-
-
-
-
صحابیہ خولہ بنت عبد الاسود بن جذیمہ بن أقیش بن عامر بن بیاضہ خزاعی اور کہا جاتا ہے کہ خولہ بنت الاسود بن حذافہ جن کا لقب ام حرملہ الخزائیہ یا ام حریملہ ہے۔ان کی والدہ عمرو بن عبد شمس بن عبد ود بن نصر بن مالک بن حسل بن عامر بن لوی کی غلام تھیں۔ آپ نے اپنے شوہر جہم بن قیس کے ساتھ دوسری ہجرت حبشہ میں حبشہ کی سرزمین کی طرف ہجرت کی اور آپ کی اولاد جہم بن قیس حریملہ، عبد اللہ اور عمرو بن جہم پیدا ہوئیں اور آپ کا انتقال حبشہ میں ہوا۔
-
ضلع سانگھڑ پاکستان کے صوبہ سندھ کا ایک ضلع ہے۔ وسط سندھ میں واقع ضلع سانگھڑ کی سرحدیں مشرق میں بھارت، شمال میں ضلع خیرپور، شمال مغرب میں ضلع نواب شاہ، مغرب میں ضلع مٹیاری اور جنوب میں حیدرآباد، میرپور خاص اور عمرکوٹ کے اضلاع سے ملتی ہیں۔ سانگھڑ شہر ضلعی صدر مقام ہے۔ 1998ء کی قومی مردم شماری کے مطابق ضلع کی کل آبادی 1،453،028 ہے جس میں سے 22.13 فیصد شہروں میں مقیم ہے۔
-
-
-
-
-
-
اسلامی جمہوریہ ایران کی فضائیہ (' ' آئی آر آئی اے ايف' ') (نیروی هوایی ارتش جمهوری اسلامی ایران) اسلامی جمہوریہ ایران کی افواج کی فضائی شاخ ہے۔ ایران کی فضائیہ 1980ء کی دہائی کے اوائل میں سابق شاہی ایرانی فضائیہ کا نام بدلے جانے پر وجود ميں آئی۔ فضائیہ نے شاہ کی حکومت کے دوران خریدے گئے بڑی تعداد ميں امریکی طيارے کچھ کامیابی کے ساتھ قابلِ استعمال رکھنے کی کوشش کی ہے۔ فضائیہ نے توجہ سوویت اور چینی طياروں کی خريداری پر مرکوز رکھی اس کے علاوہ سابق عراقی اور مقامی طور پر بنائے گئے طياروں کو استعمال ميں لايا گيا تاکہ ايرانی فضائیہ کو ايک قابل فضائی قوت کے طور پر قائم رکھا جائے ۔
-
-
ابوبکر صدیق عبد اللہ بن ابو قحافہ عثمان تیمی قرشی (573ء—634ء) اسلام کے پہلے خلیفہ راشد، عشرہ مبشرہ میں شامل، خاتم النبین محمد مصطفٰی صلی اللہ علیہ و آلہ وسلم کے اولین جانشین، صحابی، خسر اور ہجرت مدینہ کے وقت رفیق سفر تھے۔ اہل سنت و الجماعت کے یہاں ابوبکر صدیق رَضی اللہُ تعالیٰ عنہُ انبیا اور رسولوں کے بعد انسانوں میں سب سے بہتر، صحابہ میں ایمان و زہد کے لحاظ سے سب سے برتر اور ام المومنین عائشہ بنت ابوبکر رَضی اللہُ تعالیٰ عنہا کے بعد پیغمبر اسلام صلی اللہ علیہ و آلہ وسلم کے محبوب تر تھے۔ عموماً ان کے نام کے ساتھ صدیق کا لقب لگایا جاتا ہے جسے حضرت ابوبکر صدیق رَضی اللہُ تعالیٰ عنہُ کی تصدیق و تائید کی بنا پر پیغمبر اسلام صلی اللہ علیہ و آلہ وسلم نے دیا تھا۔
-
مفتی محمد تقی عثمانی (پیدائش: 5 اکتوبر 1943ء) عالم اسلام کے مشہور عالم اور جید فقیہ ہیں۔ ان کا شمار عالم اسلام کی مشہور علمی شخصیات میں ہوتا ہے۔ 1980ء سے 1982ء تک وفاقی شرعی عدالت اور 1982ء سے 2002ء تک عدالت عظمی پاکستان کے شریعت ایپلیٹ بینچ کے جج رہے ہیں۔ وفاق المدارس العربیہ کے حالیہ صدر، بین الاقوامی اسلامی فقہ اکادمی، جدہ کے نائب صدر اور دارالعلوم کراچی کے صدر ہیں۔ اس کے علاوہ آپ آٹھ اسلامی بینکوں میں بحیثیت شرعی مشیر کام کر رہے ہیں اور البلاغ جریدے کے مدیر اعلیٰ بھی ہیں۔
-
کراچی کا علاقہ ( سانچہ:Lang ur سانچہ:Lang ud سندھ پاکستان میں ایک قدرتی بندرگاہ ہے اور اسے زمانہ قبل از تاریخ سے سندھی قبائل سے تعلق رکھنے والے مقامی ماہی گیر ماہی گیری کی بندرگاہ کے طور پر استعمال کرتے رہے ہیں۔ آثار قدیمہ کی خدائیوں سے وادی سندھ کی تہذیب کے دور کا پتہ چلا ہے جو خانسی کے زمانے سے بندرگاہ کی اہمیت کو ظاہر کرتا ہے۔ بندرگاہی شہر بھنبھور عیسائی دور سے پہلے قائم کیا گیا تھا جو اس خطے میں ایک اہم تجارتی مرکوز کے طور پر کام کرتا تھا، اس بندرگاہ کو یونانیوں نے مختلف ناموں سے ریکارڈ کیا تھا جیسے کروکولا ، مورونٹوبارا بندرگاہ اور بارباریکون ، جو ہند-یونانی کی ایک سمندری بندرگاہ ہے۔ کچھ یونانی متون کے مطابق باختری بادشاہیت اور زمیاج کا نام دیا گیا ہے۔ عرب اسے دیبل کی بندرگاہ کے طور پر جانتے تھے، جہاں سے محمد ابن قاسم نے 712ء میں سندھ (جنوبی ایشیا کے مغربی کونے) میں اپنی فاتح فوج کی قیادت کی۔ لہری بندر یا لاری بندر، دیبل کے بعد سندھ کی ایک بڑی بندرگاہ بنا۔ یہ جدید کراچی میں بھنبھور کے قریب واقع تھا۔ منوڑہ جزیرہ (اب منوڑہ جزیرہ نما) کے قریب پہلا جدید بندرگاہی شہر 19ویں صدی کے آخر میں راج|برطانوی نوآبادیاتی|راج کے دوران قائم کیا گیا تھا۔
-
-
-
بنگ ہاک اسٹیشن (انگریزی: Banghak station) جنوبی کوریا کے علاقے دوبونگ ضلع میں واقع ایک اسٹیشن ہے۔ اسے سنہ 1986ء میں عوامی خدمات کے لیے باضابطہ کھولا گیا۔ یہ اسٹیشن Korail کے زیرِ انتظام ہے اور اس وقت بھی زیر استعمال ہے۔ یہ اسٹیشن Gyeongwon Line اور Seoul Subway Line 1 پر خدمات فراہم کرتا ہے۔ اس کے قریبی اور ملحقہ اسٹیشنوں میں Chang-dong station اور Dobong station شامل ہیں۔
-
1940ء کی دہائی میں محمد رفیع کے نغموں کی فہرست
1940ء کی دہائی میں محمد رفیع کو گائیکی کی محفلوں میں کندن لال سہگل یعنی کے ایل سہگل نے متعارف کروایا۔ محمد رفیع نے 1943ء کو لاہور ریڈیو پر پنجابی نغموں سے اپنے سفر کی ابتدا کی۔ فلموں میں محمد رفیع صاحب کو نغمہ نویس تنویر نقوی نے متعارف کیا۔ 1944ء میں پہلی پنجابی فلم ’گل بلوچ‘ میں انھوں نے اپنا گیت زینت بیگم کے ساتھ ریکارڈ کیا۔ اس کے بعد ان کی پہلی ہندی فلم آپ کے لیے تھی، اسی فلم میں اس وقت کے عظیم موسیقار نوشاد کے ساتھ پہلا گیت ’ہندوستان کے ہیں ہم‘ ریکارڈ کروایا۔ اس فلم میں رفیع کے مزید دو گیت بھی شامل تھے۔ حسن لال بھگت رام اور نوشاد جیسے منجھے ہوئے موسیقار نے ان کی فن کو تراشا اور اس طرح رفیع صاحب کی آواز کا ہر جگہ چرچا ہونے لگا اور اس کے بعد پھر لاتعداد گیت آپ کی آواز میں امر ہوتے چلے گئے۔
-
دوبارہ شادی یا عقد ثانی ایک ایسی شادی ہے جو سابقہ ازدواجی اتحاد کے اختتام کے بعد انجام پزیر ہوتی ہے۔ جیساکہ طلاق یا بیوگی کی صورت حال میں ممکن ہے۔ کچھ افراد دوسرے افراد کے مقابلے دوبارہ شادی کرنے کے زیادہ امکانات رکھتے ہیں۔ امکانات سابقہ رشتے داری کے پیش نظر مختلف ہو سکتے ہیں (مثلًا طلاق شدگی بہ مقابلہ بیوگی)، نئے عاشق مزاج قسم کے تعلقات قائم کرنے سے دلچسپی، جنس، نسل، عمر اور اس کے علاوہ دیگر عوامل۔ جو لوگ دوبارہ شادی نہیں کرنے کو ترجیح دیتے ہیں وہ متبادل ترتیبات کو اختیار کر سکتے ہیں جیسے کہ ہم باشی یا جداگانہ رہائشی قربت۔ دوبارہ شادی کئی دماغی اور جسمانی فوائد فراہم کرتا ہے۔ تاہم حالانکہ دوبارہ شادی شدہ افراد ان افراد سے بہتر صحت رکھتے ہیں جو دوبارہ ساجھے دار نہیں کرنے کا فیصلہ کر چکے ہیں، وہ لوگ پھر بھی ان اصحاب سے عمومًا بدتر صحت رکھتے ہیں جو مسلسل شادی شدہ رہے ہیں۔
-
دنیائے خطاطی کا خوبصورت ترین اور مشکل ترین خط نستعلیق(نسخ تعليق) خواجہ مير علی تبريزی ( 790 ہجری/ 1388 ع۔ – 850 ہجری/ 1446ع ) نے ایجاد کیا۔ سلطان علی مشھدی ( 841 ہجری/ 1437ع – 926 ہجری/ 1520 ع) کہتے ہیں : نسخ تعليق گر خفی و جلی است واضع الاصل خواجہ مير علی است وضع فرمود او، ز ذہن دقيق از خط نسخ و ز خط تعليق ایک روایت کے مطابق خواجہ میر علی تبریزی اللہ تعالی سے دعا مانگا کرتے تھے کہ وہ کوئی ایسا خط ایجاد کریں جو بے مثال ہو۔ یہ دعا قبول ہوئی اور ایک رات حضرت علی رضی اللہ تعالی عنہ نے انھیں خواب میں فرمایا کہ بط اور مرغابی کے اعضا پر غور کرو اور نیا خط ایجاد کرلو۔ چنانچہ خواجہ میر علی تبریزی نے خط نستعلیق ایجاد کر لیا جس نے عالم اسلام میں اپنا وجود منوایا۔ ایک اور روایت کے مطابق آپ اس رسم الخط کی تلاش میں گیارہ سال ایک غار میں رہے اور مشقِ خط کرتے رہے۔ خط نستعلیق میں دیگر تمام خطوط کے برعکس لفظ چھوٹے اور بناوٹ کے لحاظ سے بہت مشکل اور بھرپور نوک پلک اور چست دائرے ہوتے ہیں اور پھر عبارت میں الفاظ و حروف ایک دوسرے میں شامل نہیں ہو سکتے۔ اسی سبب یہ دنیا کا مشکل ترین خط ہے مگر اس سے سرمو انکار نہیں کیا جا سکتا کہ اپنی فنی نزاکتوں کے سبب خوبصورت ترین انداز تحریر بھی ہے۔ نستعلیق کی خوبصورتی، حسن اور نزاکت و لطافت کی وجہ سے اہل فن نے اسے ہمیشہ سراہا ہے دارالشکوہ کہتے ہیں : نستعلیق نے خوبصورتی و رعنائی میں باقی خطوط کوماند کر دیا ہے۔ اور طالب آملی نے نستعلیق کے متعلق کہا: در سلسلہ وصف خط ایں بس کہ ز کلکم ہر نقطہ سویدائے دل اہل سواد است (ترجمہ)اس رسم الخط کی تعریف کے سلسلہ میں عرض ہے کہ میرے قلم سے اس کا جو بھی نقطہ نکلتا ہے، اہل دل کے لیے لطف کا سامان فراہم کرتا ہے۔ خط نستعلیق کے مختلف انداز ہیں جن میں مشہور ترین: خط شکستہ دہلوی نستعلیق ایرانی نستعلیق لاہوری نستعلیق ٹایپوگرافی (typography) اُس وقت شروع ہوئی جب اِس خط کے لیے دھاتی طبعہ جات (types) بنانے کی کوشش کی گئی لیکن یہ کوشش ناکام ثابت ہوئی۔ فورٹ ویلیم دانشگاہ (Fort William College) نے ایک نستعلیق طبعہ بنایا لیکن وہ اصل نستعلیق سے ذرا مختلف تھا، اِسی وجہ سے کسی نے اِس کا اِستعمال نہیں کیا ما سوائے اسی دانشگاہ کے دارالکتب (library) کے .
-
-
ابو عبد اللہ عثمان بن عفان اموی قرشی (47 ق ھ - 35 ھ / 576ء – 656ء) اسلام کے تیسرے خلیفہ، داماد رسول اور جامع قرآن تھے۔ عثمان غنی سابقین اسلام میں شامل اور عشرہ مبشرہ میں سے تھے، ان کی کنیت ذو النورین ہے کیونکہ انھوں نے محمد صلی اللہ علیہ وآلہ وسلم کی دو صاحبزادیوں سے نکاح کیا تھا، پہلے رقیہ بنت محمد رضی اللہ عنہا سے کیا، پھر ان کی وفات کے بعد ام کلثوم بنت محمد سے نکاح کیا۔ عثمان غنی پہلے صحابی ہیں جنھوں نے سرزمین حبشہ کی ہجرت کی، بعد میں دیگر صحابہ بھی آپ کے پیچھے حبشہ پہنچے۔ بعد ازاں دوسری ہجرت مدینہ منورہ کی جانب کی۔ رسول اکرم صلی اللہ علیہ وسلم عثمان غنی پر مکمل اعتماد اور ان کی فطری حیاء و شرافت اور جو انھوں نے اپنے مال کے ذریعہ اہل ایمان کی نصرت کی تھی، اس کی انتہائی قدر کرتے تھے۔ رسول اللہ صلی اللہ علیہ وسلم نے دیگر صحابہ کے ساتھ ان کو بھی جنت اور شہادت کی موت کی خوش خبری دی۔ سنہ 23ھ (644ء) میں حضرت عمر بن خطاب رضی اللہ عنہ کی شہادت کے بعد مشورہ سے آپ کو خلافت کی ذمہ داری سونپی گئی، جسے انھوں نے 644ء سے 656ء تک انجام دی۔ ان کے عہد خلافت میں جمع قرآن مکمل ہوا، مسجد حرام اور مسجد نبوی کی توسیع ہوئی اور قفقاز، خراسان، کرمان، سیستان، افریقیہ اور قبرص وغیرہ فتح ہو کر سلطنت اسلامی میں شامل ہوئے۔ نیز انھوں نے اسلامی ممالک کے ساحلوں کو بازنطینیوں کے حملوں سے محفوظ رکھنے کے لیے اولین مسلم بحری فوج بھی بنائی۔ آپ کا زمانہ خلافت بارہ سال کے عرصہ پر محیط ہے، جس میں آخری کے چھ سالوں میں کچھ ناخوشگوار حادثات پیش آئے، جو بالآخر ان کی شہادت پر منتج ہوئے۔ سنہ 35ھ، 18 ذی الحجہ، بروز جمعہ بیاسی سال کی عمر میں انھیں ان کے گھر میں قرآن کریم کی تلاوت کے دوران میں شہید کر دیا گیا اور مدینہ منورہ کے قبرستان جنت البقیع میں دفن ہوئے۔ خلیفۂ سوم سیدنا عثمان غنی کا تعلق قریش کے معزز قبیلے سے تھا۔ سلسلۂ نسب عبد المناف پر رسول اللہ ﷺ سے جا ملتا ہے۔ سیدنا عثمان ذوالنورین کی نانی نبی ﷺ کی پھوپھی تھیں۔ آپ کا نام عثمان اور لقب ” ذوالنورین “ ہے۔ اسلام قبول کرنے والوں میں آپ ” السابقون الاولون “ کی فہرست میں شامل تھے، آپ نے خلیفہ اول سیدنا ابوبکر صدیق کی دعوت پر اسلام قبول کیا تھا۔۔ حضور ﷺ پر ایمان لانے اور کلمہ حق پڑھنے کے جرم میں سیدنا عثمان غنی کو ان کے چچا حکم بن ابی العاص نے لوہے کی زنجیروں سے باندھ کر دھوپ میں ڈال دیا، کئی روز تک علاحدہ مکان میں بند رکھا گیا، چچا نے آپ سے کہا کہ جب تک تم نئے مذہب (اسلام ) کو نہیں چھوڑو گے آزاد نہیں کروں گا۔ یہ سن کر آپ نے جواب میں فرمایا کہ چچا ! اللہ کی قسم میں مذہب اسلام کو کبھی نہیں چھوڑ سکتا اور اس ایمان کی دولت سے کبھی دستبردار نہیں ہوں گا۔ سیدنا عثمان غنی اعلیٰ سیرت و کردار کے ساتھ ثروت و سخاوت میں بھی مشہور تھے۔ رسول اللہ ﷺ نے فرمایا کہ جنت میں ہر نبی کا ساتھی و رفیق ہوتا ہے میرا ساتھی ”عثمان “ ہوگا۔ سیدنا عثمان کے دائرہ اسلام میں آنے کے بعد نبی اکرم نے کچھ عرصہ بعد اپنی بیٹی سیدہ رقیہ رضى الله عنها کا نکاح آپ سے کر دیا۔ جب کفار مکہ کی اذیتوں سے تنگ آکر مسلمانوں نے نبی کریم ﷺ کی اجازت اور حکم الٰہی کے مطابق ہجرت حبشہ کی تو سیدنا عثمان رضی اللہ عنہ بھی مع اپنی اہلیہ حضرت رقیہ رضى اللہ عنہا حبشہ ہجرت فرما گئے، جب حضرت رقیہ رضی اللہ عنہا کا انتقال ہوا تو نبی ﷺ نے دوسری بیٹی حضرت ام کلثوم رضى اللہ عنہا کوآپ کی زوجیت میں دے دی۔ اس طرح آپ کا لقب ” ذوالنورین“ معروف ہوا۔ مدینہ منورہ میں پانی کی قلت تھی جس پر سیدنا عثمان نے نبی پاک ا کی اجازت سے پانی کا کنواں خرید کر مسلمانوں کے ليے وقف فرمایا۔ اور اسی طرح غزوئہ تبوک میں جب رسول اللہ ﷺ نے مالی اعانت کی اپیل فرمائی تو سیدنا عثمان غنی نے تیس ہزار فوج کے ایک تہائی اخراجات کی ذمہ داری لے لی۔ جب رسول اکرم ﷺ نے زیارت خانہ کعبہ کا ارادہ فرمایا تو حدیبیہ کے مقام پر یہ علم ہوا کہ قریش مکہ آمادہ جنگ ہیں۔ اس پر آپ ﷺ نے سیدنا عثمان غنی کو سفیر بنا کر مکہ بھیجا۔ قریش مکہ نے آپ کو روکے رکھا تو افواہ پھیل گئی کہ سیدنا عثمان کو شہید کر دیا گیا ہے۔ اس موقع پر چودہ سو صحابہ سے نبی ﷺ نے بیعت لی کہ سیدنا عثمان غنی کا قصاص لیا جائے گا۔ یہ بیعت تاریخ اسلام میں ” بیعت رضوان “ کے نام سے معروف ہے۔ قریش مکہ کو جب صحیح صورت حال کا علم ہوا تو آمادۂ صلح ہو گئے اور سیدنا عثمان غنی واپس آگئے۔ خلیفہ اول سیدنا ابوبکر صدیق کی مجلس مشاورت کے آپ اہم رکن تھے۔ امیر المومنین سیدنا عمر کی خلافت کا وصیت نامہ آپ نے ہی تحریر فرمایا۔ دینی معاملات پر آپ کی رہنمائی کو پوری اہمیت دی جاتی۔ سیدنا عثمان غنی صرف کاتب وحی ہی نہیں تھے بلکہ قرآن مجید آپ کے سینے میں محفوظ تھا۔ آیات قرآنی کے شان نزول سے خوب واقف تھے۔ بطور تاجر دیانت و امانت آپ کا طرۂ امتیاز تھا۔ نرم خو تھے اور فکر آخرت ہر دم پیش نظر رکھتے تھے۔ نبی کریم ﷺ کا ارشاد ہے عثمان کی حیا سے فرشتے بھی شرماتے ہیں، تبلیغ و اشاعت اسلام کے ليے فراخ دلی سے دولت صرف فرماتے۔ نبی کریم ﷺ نے فرمایا کہ اے عثمان اللہ تعالٰی تجھے خلافت کی قمیص پہنائیں گے، جب منافق اسے اتارنے کی کوشش کریں تو اسے مت اتارنا یہاں تک کہ تم مجھے آملو۔ چنانچہ جس روز آپ کا محاصرہ کیا گیا تو آپ نے فرمایا کہ مجھ سے حضور نے عہد لیا تھا ( کہ منافق خلافت کی قمیص اتارنے کی کوشش کریں گے تم نہ اتارنا ) اس ليے میں اس پر قائم ہوں اور صبر کر رہا ہوں۔ 35ھ میں ذی قعدہ کے پہلے عشرہ میں باغیوں نے سیدنا عثمان ذوالنورین کے گھر کا محاصرہ کیا اور آپ نے صبر اور استقامت کا دامن نہیں چھوڑا، محاصرہ کے دوران آپ کا کھانا اور پانی بند کر دیا گیا تقریباً چالیس روز بھوکے پیاسے 82 سالہ مظلوم مدینہ سیدنا عثمان کو جمعة المبارک 18ذو الحجہ کو انتہائی بے دردی کے ساتھ روزہ کی حالت میں قرآن پاک کی تلاوت کرتے ہوئے شہید کر دیا گیا۔، .
-
2022ء وائٹلٹی بلاسٹ ٹی 20 بلاسٹ کا بیسویں ایڈیشن تھا (موجودہ طور پر وائٹلٹی بلاسٹ کے نام سے جانا جاتا ہے) جو انگلینڈ اور ویلز میں کھیلی جانے والی ایک پیشہ ور ٹوئنٹی 20 کرکٹ لیگ ہے۔ یہ ٹورنامنٹ 25 مئی سے 16 جولائی 2022ء تک منعقد ہوا۔ یہ ٹورنامنٹ انگلینڈ اینڈ ویلز کرکٹ بورڈ (ای سی بی) کے زیر انتظام تھا جسے ٹورنامنٹ کی کفالت کی وجہ سے وائٹلٹی بلاسٹ کا نام دیا گیا تھا۔ کینٹ اسپٹ فائر دفاعی چیمپئن تھے، جنھوں نے پچھلا سیزن کے دوران اپنا دوسرا خطاب جیتا تھا۔ 20 جنوری 2022ء کو ای سی بی نے ٹورنامنٹ کے فکسچر کا اعلان کیا۔
-
جلد کو گورا کرنے والے مادے (اسکن وائٹننگ) یا جلد کو نکھارنا/چمکانا یا اسکن بلیچنگ سے مراد جلد کی رنگت کو ہلکا کرنا یا جلد میں میلانین کی مقدار کو کم کرکے جلد کو ایک ہموار رنگت فراہم کرنا ہے یہ عموماً کیمیائی مادوں کے استعمال سے ہوتا ہے۔ یہ بات سامنے آئی ہے کہ جلد کو گورا کرنے میں کئی کیمیائی مادے مؤثر ہیں جن میں کئی نقصان دہ ثابت ہو چکے ہیں یا ان کی حفاظت مشکوک ہے۔ دیگر بہت سی طبی دواؤں پر مشتمل مادوں نے جلد کو ہلکا کرنے میں اپنی افادیت ظاہر کی ہے اور بعض کے مفید ضمنی اثرات بھی ہیں (جیسے اینٹی آکسیڈنٹ ہونا / غذائیت فراہم کرنا یا بعض کینسر کے خطرے کو کم کرنا وغیرہ)، جبکہ کچھ کے خطرناک اثرات بھی ہیں (مثال کے طور پر وہ مادے جن میں مرکری شامل ہے)۔
-
اسلام آباد (انگریزی: Islamabad), پاکستان کا دار الحکومت ہے جو 14 اگست 1967ء کو کراچی سے 20 سال بعد اسلام آباد منتقل ہوا۔ مردم شماری پاکستان 2023ء کے مطابق اسلام آباد کی آبادی تئیس لاکھ تریسٹھ ہزار 2٫363٫863 افراد پر مشتمل ہے۔ اسلام آباد کا پرانا نام راج شاہی تھا۔ 1958ء میں اس وقت کے صدر ایوب خان نے راولپنڈی کے قریب اس جگہ کا انتخاب کر کے یہاں نیا شہر تعمیر کرنے کا حکم دیا تھا۔ اس نئے دار الحکومت کے لیے زمین کا انتظام کیا گیا جس کے لیے صوبہ خیبر پختونخوا اور صوبہ پنجاب سے زمین حاصل کی گئی۔ عارضی طور پر دار الحکومت کو راولپنڈی منتقل کر دیا گیا اور 1960ء میں اسلام آباد میں ترقیاتی کاموں کا آغاز شروع ہوا۔ شہر کی طرز تعمیر کا زیادہ تر کام یونانی شہری منصوبہ دان کانسٹینٹ ٹینس اپوستولس ڈوکسڈز نے کیا، جس میں اس نے اسے آٹھ زونز میں تقسیم کیا۔ انتظامی، ڈپلومیٹک انکلیو، رہائشی علاقے، تعلیمی اور صنعتی شعبے، تجارتی علاقوں کے ساتھ ساتھ بلدیہ عظمی اسلام آباد کے زیر انتظام دیہی اور سبز علاقے جو کیپٹل ڈویلپمنٹ اتھارٹی کے تعاون سے ہیں۔ 1968ء میں دار الحکومت کو اسلام آباد منتقل کر دیا گیا۔ 1958ء تک پاکستان کا دار الحکومت کراچی رہا۔ کراچی کی تیزی سے بڑھتی آبادی اور معاشیات کی وجہ سے دار الحکومت کو کسی دوسرے شہر منتقل کرنے کا سوچا گیا۔ اسلام آباد اپنے اعلیٰ معیار زندگی، حفاظت، صفائی ستھرائی اور وافر ہریالی کے لیے قابل ذکر ہے۔ اسلام آباد مارگلہ ہل نیشنل پارک اور شکر پڑياں سمیت متعدد پارکوں اور جنگلات کی موجودگی کے لیے جانا جاتا ہے۔ یہ پاکستان کا نواں سب سے زیادہ آبادی والا شہر ہے، جس کی آبادی 1.2 ملین سے زیادہ ہے۔ فیصل مسجد جو دنیا کی پانچویں سب سے بڑی مسجد ہے اسلام آباد میں تعمیر کی گئی۔ دیگراہم مقامات میں پاکستان یادگار اور ڈی چوک شامل ہیں۔ دار الحکومت بننے کے بعد اسلام آباد نے پاکستان بھر سے لوگوں کو اپنی طرف متوجہ کیا اور دار الحکومت کے طور پر اس شہر نے کئی اہم اجلاسوں کی میزبانی بھی کی۔
-
-
حجر اسود عربی زبان کے دو الفاظ کا مجموعہ ہے۔ حجر عربی میں پتھر کو کہتے ہیں اور اسود سیاہ اور کالے رنگ کے لیے بولا جاتا ہے۔ حجر اسود وہ سیاہ پتھر ہے جو کعبہ کے جنوب مشرقی دیوار میں نصب ہے۔ اس وقت یہ تین بڑے اور مختلف شکلوں کے کئی چھوٹے ٹکڑوں پرمشتمل ہے۔ یہ ٹکڑے اندازہً ڈھائی فٹ قطر کے دائرے میں جڑے ہوئے ہیں جن کے گرد چاندی کا گول چکر بنا ہوا ہے۔ جو مسلمان حج یاعمرہ کرنے جاتے ہیں ان کے لیے لازم ہے کہ طواف کرتے ہوئے ہر بار حجراسود کو بوسہ دیں۔ اگر ہجوم زیادہ ہو تو ہاتھ کے اشارے سے بھی بوسہ دیا جا سکتا ہے۔ ایک روایت میں ہے کہ جب سیدنا عمر رضی اللہ عنہ نے حجر اسود سے یہ فرمایا: إني أعلم أنک حجر، لا تضر و لا تنفع. ”بلاشبہ میں جانتا ہوں کہ تو ایک پتھر ہے۔ تو نہ نفع دیتا ہے نہ نقصان۔ “ تو سیدنا علی رضی اللہ عنہ نے جواب میں فرمایا: بلیٰ یا أمیر المومنین، إنه یضر و ینفع. ” کیوں نہیں، امیر المومنین !
-
-
-
شفا انٹرنیشنل ہسپتال (اسلام آباد)
شفا انٹرنیشنل ہسپتال ( SIH ) اسلام آباد ، پاکستان میں واقع ایک نجی ہسپتال ہے۔ یہ پاکستان اسٹاک ایکسچینج میں SHFA کے طور پر درج ہے۔
-
-
کراچی پاکستان کا سب سے بڑا شہر ہے، جسے ملک کے صنعتی، تجارتی، تعلیمی، مواصلاتی و اقتصادی مرکز کی اہمیت بھی حاصل ہے۔ کراچی دنیا کا چھٹا بڑا شہر ہے۔ کراچی پاکستان کے صوبۂ سندھ کا دارالحکومت ہے۔ یہ شہر دریائے سندھ کے مغرب میں بحیرۂ عرب کے شمالی ساحل پر واقع ہے۔ پاکستان کی سب سے بڑی بندرگاہ اور ہوائی اڈا بھی کراچی میں قائم ہیں۔ کراچی 1947ء سے 1960ء تک پاکستان کا دار الحکومت بھی رہا۔ موجودہ کراچی کی جگہ پر واقع قدیم ماہی گیروں کی بستی کا نام مائی کولاچی تھا۔ جو بعد میں بگڑ کر کراچی بن گیا۔ انگریزوں نے انیسویں صدی میں اس شہر کی تعمیر و ترقی کی بنیادیں ڈالیں۔ 1947ء میں پاکستان کی آزادی کے وقت کراچی کو نو آموز مملکت کا دار الحکومت منتخب کیا گیا، جس کی وجہ سے کراچی میں اُن علاقوں سے جو بھارت کا حصہ بن گئے تھے، لاکھوں مہاجرین ہجرت کرکے آئے۔ پاکستان کا دار الحکومت اور بین الاقوامی بندرگاہ ہونے کی وجہ سے شہر میں صنعتی سرگرمیاں دیگر شہروں سے قبل شروع ہو گئیں۔ 1959ء میں پاکستان کے دار الحکومت کی اسلام آباد منتقلی کے باوجود کراچی کی آبادی اور معیشت میں ترقی کی رفتار کم نہیں ہوئی۔
-
معز الدین محمد بن سام (فارسی: معز الدین محمد بن سام)، (1144ء – 15 مارچ، 1206ء)، جو شہاب الدین غوری کے نام سے مشہور ہیں، موجودہ وسطی افغانستان کے غور میں واقع غوری خاندان سے تعلق رکھنے والے ایک حکمران تھے۔ جنھوں نے 1173ء سے 1206ء تک حکومت کی۔ شہاب الدین غوری اور ان کے بھائی غیاث الدین محمد غوری نے 1203ء میں اپنی وفات تک غوری سلطنت کے مغربی علاقے پر دار الحکومت فیروزکوہ سے حکومت کی جبکہ شہاب الدین غوری نے غوری سلطنت کو مشرق کی طرف بڑھایا اور برصغیر پاک و ہند میں اسلامی حکمرانی کی بنیاد رکھی۔
-
-
فوزیہ عظیم(یکم مارچ 1990ء | 15 جولائی 2016ء) جو قندیل بلوچ کے نام سے مشہور تھیں، پاکستانی ماڈل، اداکارہ، حقوقِ نسواں کی علمبردار اور سوشل میڈیا کی مشہور شخصیت تھیں۔ سوشل نیٹ ورک پر اپنی روز مرہ زندگی اور مختلف متنازع معامالات پر اپنی وڈیوز کی وجہ سے وہ شہرت کی بلندیوں پر جا پہنچیں۔ ان کے ہزاروں پیرو کار (فالورز) تھے جو ان کی پوسٹوں کو پسند اور انھیں شیئر بھی کرتے تھے۔ قندیل کی مدح سرائی حقوق نسواں کے فعالیت پسند، مغرب زدہ خواتین، جدید تعلیم یافتہ خواتین کے علاوہ کئی مرد بھی کرتے تھے جو کسی معروف خاتون میں انفرادیت کی فضا دیکھنے کے متمنی تھے۔
-
-
-
پاکستان، جس کا سرکاری نام اسلامی جمہوریہ پاکستان ہے، جنوبی ایشیا کا ایک ملک ہے۔ یہ آبادی کے لحاظ سے پانچواں سب سے بڑا ملک ہے، جس کی آبادی 2023 کے مطابق 24 کروڑ 15 لاکھ سے زیادہ ہے، اور اس میں مسلمانوں کی دوسری سب سے بڑی آبادی ہے۔ اسلام آباد اس کا دار الحکومت ہے، جبکہ کراچی اس کا سب سے بڑا شہر اور مالیاتی مرکز ہے۔ پاکستان رقبے کے لحاظ سے 33واں سب سے بڑا ملک ہے۔ یہ جنوب میں بحیرہ عرب، جنوب مغرب میں خلیج عمان اور جنوب مشرق میں سر کریک سے متصل ہے۔ اس کی زمینی سرحدیں مشرق میں بھارت، مغرب میں افغانستان، جنوب مغرب میں ایران اور شمال مشرق میں چین کے ساتھ ملتی ہیں۔ یہ خلیج عمان میں عمان کے ساتھ سمندری سرحد بھی رکھتا ہے اور شمال مغرب میں افغانستان کے تنگ واخان راہداری کے ذریعے تاجکستان سے جدا ہوتا ہے۔
-
رمضان اخماتووچ قدیروف (پیدائش 5 اکتوبر 1976) ایک روسی سیاست دان ہے جو اس وقت چیچن جمہوریہ کے سربراہ کے طور پر خدمات انجام دے رہا ہے۔ وہ پہلے اپنے والد، احمد قدیروف کے ذریعے چیچن کی آزادی کی تحریک سے وابستہ تھے، جو چیچنیا کے علیحدگی پسند مفتی تھے۔ وہ روسی فوج میں کرنل جنرل ہیں۔وہ اپنے والد کے جانشین ثابت ہوئے اور چیچنیا کو روسی صدر کے تعاون سے چلا رہے ہیں۔ وہ احمد قادیروف اور ایمانی قادیروف کے دوسرے بیٹے اور سب سے چھوٹی اولاد ہیں۔
-
ڈیمن (خالص اردو: دانو) شریر ما فوق الفطرت ہستی یا وجود کو کہا جاتا ہے۔ تاریخی طور پر ڈیمن (آسیب یا بھوت یا شیطانی طاقت یا بد روح) پر یقین یا ان سے متعلق کہانیاں دنیا کی لوک کہانیوں، اساطیر، مذاہب، مخفی علوم اور ادب میں پائی جاتی ہیں۔ ان عقائد کی جھلک فکشن، کامکس، فلموں، ٹیلی ویژن اور ویڈیو گیموں میں بھی نظر آتی ہے۔ ماہرین کے مطابق ڈیمن پر ایمان غالباً قدیم سنگی دور تک جاتا ہے جو انسان کے انجانے، پر اسرار اور خوفناک مظاہر سے خوف کے سبب پیدا ہوا۔ قدیم مشرقِ قریب کے مذاہب اور ابراہیمی مذاہب میں، بشمول یہودیت کے ابتدائی ادوار اور قرونِ وسطیٰ کی مسیحی علم شیاطین (ڈیمنالوجی) میں، ڈیمن کو مضر اور نقصان دہ روحانی ہستی سمجھا جاتا تھا جو انسانوں میں حلول کر سکتی ہے اور انھیں اپنے قبضے میں لے سکتی ہے۔ ایسے شیطانی قبضے کو ختم کرنے کے لیے جھاڑ پھونک یا جن اتارنے جیسی رسومات (ایگزارسسزم) کا سہارا لیا جاتا تھا۔ یہودی ڈیمنالوجی کے بڑے حصے، جو مسیحیت اور اسلام پر بھی اثر انداز ہوئے، زرتشتیت سے ماخوذ تھے اور ایران کے حکمرانی کے دور میں یہودی روایات میں منتقل ہوئے۔
-
ابو الحسن علی بن ابی طالب ہاشمی قُرشی (15 ستمبر 601ء – 29 جنوری 661ء) خلافت راشدہ کے چوتھے خلیفہ تھے جنھوں نے 656ء سے 661ء تک حکومت کی۔ ابو الحسن عثمان بن عفان رضی اللہ عنہ کے بعد اسلام کے خلیفہ بنے، لیکن انھیں شیعہ اثناعشریہ و زیدیہ مسلمانوں کے ہاں خلیفہ بلا فصل، پہلا امام معصوم اور وصی رسول اللہ سمجھا جاتا ہے۔ وہ پیغمبر اسلام محمد کے چچا زاد اور داماد تھے۔ ام المومنین خدیجہ الکبریٰ رضی اللہ عنہا کے بعد دوسرے شخص تھے جو اسلام لائے۔ اور ان سے قبل ایک خاتون کے علاوہ کوئی مردو زن مسلمان نہیں ہوا۔ یوں سابقین اسلام میں شامل اور عشرہ مبشرہ، بیعت رضوان، اصحاب بدر و احد، میں سے بھی تھے بلکہ تمام جنگوں میں ان کا کردار سب سے نمایاں تھا اور فاتح خیبر تھے، ان کی ساری ابتدائی زندگی محمد صلی اللہ علیہ وآلہ وسلم کے ساتھ ساتھ گذری۔ وہ تنہا صحابی ہیں جنھوں نے کسی جنگ میں بھی رسول اللہ صلی اللہ علیہ وسلم کو تنہا نہیں چھوڑا ان کی فضیلت میں صحاح ستہ میں درجنوں احادیث ہیں رسول اللہ صلی اللہ علیہ وآلہ وسلم نے انھیں دنیا اور آخرت میں اپنا بھائی قرار دیا اور دیگر صحابہ کے ساتھ ان کو بھی جنت اور شہادت کی موت کی خوش خبری دی۔
-
-
بکری کا دودھ انگریزی: Goat milk) وہ دودھ ہے جو بکریاں پیدا کرتی ہیں۔ دنیا میں سالانہ دودھ کی مجموعی فراہمی کا تقریباً 2٪ حصہ دودھ بکری کا ہوتا ہے۔ یہ گائے کے دودھ کے مقابلے میں ہضم کرنے میں آسان سمجھا جاتا ہے اور ان لوگوں کے لیے مفید ہے جو گائے کے دودھ سے الرجی، ہاضمہ کے مسائل، دمہ یا ایگزما چھلکے یا خارش میں مبتلا ہوں۔
-
علی بن حسین (پیدائش: 4 جنوری 656ء — وفات: 20 اکتوبر 713ء) جو زین العابدین (عابدوں کی زینت) اور امام الساجدین (سجدہ کرنے والوں کا امام) کے نام سے مشہور ہیں، اپنے والد حسین ابن علی، تایا حسن ابن علی اور دادا علی بن ابی طالب کے بعد اثنا عشری میں چوتھے امام اور اسماعیلی شیعیت میں تیسرے امام مانے جاتے ہیں۔ علی بن حسین سانحۂ کربلا میں موجود تھے، اس وقت ان کی عمر 23 یا 25 سال تھی، لیکن بیماری کی وجہ سے لڑائی میں شریک نہ ہو سکے۔ یہ اس سانحے میں بچ جانے والے واحد مرد تھے۔ ان کو دمشق میں یزید کے سامنے لے جایا گیا، کچھ دن بعد ان کو دیگر خواتین کے ساتھ واپس مدینہ جانے دیا گیا، جہاں انھوں نے چند اصحاب کے ساتھ خاموشی سے زندگی بسر کی۔ ان کی زندگی اور بیانات مکمل طور پر طہارت اور مذہبی تعلیمات کے لیے وقف تھے، جو زیادہ تر دعاؤں اور التجاؤں کی شکل میں ہوتے۔ ان کی مشہور مناجات صحیفہ سجادیہ کے نام سے معروف ہے۔
-
سپاہ پاسداران انقلاب اسلامی جسے ایرانی پاسداران انقلاب بھی کہا جاتا ہے، ایرانی مسلح افواج کی ایک کلیدی اور کثیر شعبہ جاتی شاخ ہے۔ اسے باضابطہ طور پر مئی 1979ء میں انقلابِ ایران کے بعد روح اللہ خمینی نے ایک عسکری شاخ کے طور پر قائم کیا۔ جہاں ایرانی فوج ملک کی خود مختاری کا روایتی دفاع کرتی ہے، وہیں سپاہ پاسداران کا آئینی فریضہ اسلامی جمہوریہ کی سالمیت کا تحفظ ہے۔ اس ذمہ داری کی اکثر توجیہات کے مطابق اس کا مقصد بیرونی مداخلت کو روکنا، روایتی فوج کی جانب سے ممکنہ بغاوت کو ناکام بنانا اور ان منحرف تحریکوں کو کچلنا ہے جو انقلابِ اسلامی کی نظریاتی میراث کے لیے خطرہ بنیں۔
-
کاکڑ ( نیز کُکَّڑ یا بھونکنے والا ہرن یا پسلیوں والا ہرن ناموں سے معروف) (انگریزی: muntjac) جنوبی اور جنوب مشرقی ایشیا میں رہنے والے منٹیکس نسل کے چھوٹے ہرن ہیں۔ کاکڑ کے بارے میں خیال کیا جاتا ہے کہ 1.5-3.5 کروڑ سال پہلے ظاہر ہونا شروع ہوا تھا، جس کی باقیات فرانس، جرمنی، اور پولینڈ میں عصر اوسط کے ذخائر میں پائی جاتی ہیں۔ بین الاقوامی اتحاد برائے تحفظ قدرت کے ذریعہ زیادہ تر پرجاتیوں کو کم تشویشناک انواع میں یا ڈیٹا کی کمی کے طور پر درج کیا گیا ہے، حالانکہ دیگر جیسے کالا کاکڑ، بورنیئن پیلا کاکڑ اور دیو ہیکل کاکڑ بالترتیب خطرے سے دوچار، قریب ترین خطرہ اور شدید خطرے سے دوچار ہیں۔
-
فیلڈ مارشل سید عاصم منیر احمد شاہ پاکستانی بری افواج کے پانچ ستارہ جنرل، موجودہ اور گیارہویں سربراہ پاک فوج ہیں۔ آرمی چیف کے عہدے پر فائز ہونے سے پہلے وہ جی ایچ کیو میں بطور کوارٹر ماسٹر جنرل کمانڈ کر رہے تھے۔ انھوں نے 17 جون 2019ء سے 6 اکتوبر 2021ء تک گوجرانوالہ میں XXX کور (پاکستان) کی کمانڈ کی۔ انھوں نے آئی ایس آئی کے 23 ویں ڈائریکٹر جنرل کے طور پر خدمات انجام دیں یہاں تک کہ ان کی جگہ16 جون 2019ء کو لیفٹیننٹ جنرل فیض حمید کو تعینات کیا گیا۔ منیر نے افسران کی تربیت گاہ، منگلا میں کیڈٹ کی حیثیت سے اپنی کارکردگی پر "اعزازی تلوار" حاصل کی۔ وزیر اعظم پاکستان شہباز شریف نے انھیں 24 نومبر 2022ء کو 3 سال کی مدت کے لیے 17ویں چیف آف آرمی اسٹاف کے طور پر مقرر کیا۔ عاصم منیر وہ پہلے چیف آف آرمی اسٹاف ہیں جو ایم آئی اور آئی ایس آئی دونوں خفیہ اداروں کی سربراہی کر چکے ہیں۔ 20 مئی 2025ء کو عاصم منیر کو فیلڈ مارشل کے عہدے پر ترقی دی گئی، یوں وہ پاکستان کی تاریخ میں اس رتبے تک پہنچنے والے دوسرے فرد بنے ان سے پہلے صرف ایوب خان کو یہ اعزاز حاصل ہوا تھا۔ عاصم پاکستان کے وہ پہلے اور واحد سربراہ پاک فوج بھی بنے جنھوں نے فیلڈ مارشل کے عہدہ کے ساتھ اس منصب پر خدمات انجام دیں۔ فیلڈ مارشل کا درجہ ایک باوقار اور فائیو اسٹار اعزازی عہدہ ہے، جو جنرل کے رینک سے بھی بلند ہوتا ہے۔
-
ہیلن میری واٹسن (پیدائش:17 فروری 1972ء) نیوزی لینڈ کی سابق خاتون کرکٹ کھلاڑی ہے جو آل راؤنڈر کے طور پر کھیلتی ہے، دائیں ہاتھ کی میڈیم بولنگ کرتی ہے اور دائیں ہاتھ سے بیٹنگ کرتی ہے۔ وہ 1999ء اور 2008ء کے درمیان نیوزی لینڈ کے لیے 66 ایک روزہ بین الاقوامی اور 8 ٹوئنٹی 20 بین الاقوامی میچوں میں نظر آئیں۔ اس نے کینٹربری اور آکلینڈ کے لیے مقامی کرکٹ کھیلی۔ اپنے کھیل کے کیریئر کے بعد واٹسن ایک مالیاتی افسر بن گئیں۔
-
صدر ٹاؤن میں واقع برطانوی راج کے زمانہ کی تعمیر شدہ ایمپریس مارکیٹ کراچی کی قدیم ترین منڈیوں میں شمار ہوتی ہے۔ پہاں دستیاب اشیاء میں روزمرہ استعمال کی اجناس، مصالحہ جات، سبزیاں، گوشت مرغیاں شامل ہیں اس کے علاوہ اسٹیشنری مارکیٹ، کپڑا مارکیٹ، پرندوں اور جانوروں کی مارکیٹ اور پھلوں کی مارکیٹ قابل ذکر ہیں۔ یہاں کی پھلوں کی مارکیٹ میں تمام پھل دستیاب ہوتے ہیں چاہے ان کا موسم ہو یا نہ ہو۔
-
کوئٹہ پاکستان کے صوبہ بلوچستان کا صدر مقام اور سب سے بڑا شہر ہے۔ کوئٹہ پشتو لفظ کوٹ سے نکلاہے قیام پاکستان سے قبل کوئٹہ افغانستان کا حصہ تھا تیسرے افغان اینگلو جنگ کے بعد برطانیہ نے کوئٹہ پر قبضہ کیا پھر قیام پاکستان کے بعد یہ تاج برطانیہ سے پاکستان کو منتقل ہوا ک کوئٹہ میں سب سے زیادہ پشتو زبان بولی جاتی ہے جبکہ براہوی، پنجابی، ہزارگی زبانیں بھی کوئٹہ میں بولی جاتی ہیں۔ کوئٹہ شہر سطح سمندر سے تقریباً 1700 میٹر سے 1900 میٹر کی بلندی پر واقع ہے اور اپنے بہترین معیار کے پھلوں کی پیداوار کے لیے مشہور ہے۔ یہ بنیادی طور پر خشک پہاڑوں میں گھرا ہوا شہر ہے جہاں سردیوں میں شدید سردی اور برف باری ہوتی ہے۔
-
سعودی عرب میں ہوائی اڈوں کی فہرست
یہ سعودی عرب کے ہوائی اڈوں کی فہرست (List of airports in Saudi Arabia) ہے ۔
-
-
اکشئے کمار ایک بھارتی فلمی اداکار ہے۔ وہ سابق میں تھائی لینڈ میں خانساماں تھے۔ انھوں نے مارشل آرٹس میں ٹریننگ حاصل کی تھی۔ بالی ووڈ کے لیے انھوں نے ایک فوٹو شوٹ کروائی تھی جو اتفاق سے فلمی ہدایت کاروں کی جانب سے پسندیدگی سے دیکھی گئی اور اس سے ان کا فلمی سفر شروع ہوا۔ وہ ایک ایکشن ہیرو کی امیج رکھتے ہیں۔ ان کی شادی مشہور اداکارہ ٹونکل کھنہ سے ہوئی۔
-
-
شیخ حمد بن خلیفہ آل ثانی (عربی: الشيخ حمد بن خليفة آل ثاني کا قطر میں بر سر اقتدار الثانی خاندان سے تعلق ہے۔ وہ 1995 سے 2013 تک قطر کے امیر رہے۔ انھوں نے 1995ء میں اس وقت اقتدار پر قبضہ کیا جب ان کے والد اور اس وقت کے امیر قطر بیرونی دورہ پر تھے۔ شیخ حمد 18 برس بر سر اقتدار رہے۔ ان کے دور میں قطر میں قدرتی گیس کی پیداوار 77 ملین ٹن تک پہنچ گئی جس کی وجہ سے فی کس خام ملکی پیداوار اور 86,440امریکی ڈالر فی کس سالانہ آمدنی کے لحاظ سے قطر دنیا کا امیر ترین ملک بن گیا۔
-
-
-
فضا حسین ، جسے اپنے اسٹیج نام حریم شاہ کے نام سے جانا جاتا ہے پاکستانی ٹیلی ویژن اور سوشل میڈیا کی مشہور اور متنازع شخصیت ہے جو ٹک ٹوک پر اپنی ویڈیوز کی وجہ سے مشہور ہوئیں۔ وفاقی وزیر شیخ رشید سے ان کے ساتھ گفتگو کی ویڈیو ریکارڈنگ منظر عام پر آنے کے بعد انھیں اپنی گفتگو پر شدید رد عمل کا سامنا کرنا پڑا۔
-
ابو القاسم محمد بن عبد اللہ بن عبد المطلب (12 ربیع الاول عام الفیل / اپریل 570ء یا 571ء – 12 ربیع الاول 10ھ / 8 جون 632ء) مسلمانوں کے آخری نبی ہیں۔ اہل اسلام کے نزدیک پیغمبر صاحب تمام مذاہب کے پیشواؤں سے کامیاب ترین پیشوا تھے۔ آپ کی کنیت ابو القاسم تھی۔ مسلمانوں کے عقیدہ کے مطابق محمد کی طرف سے انسانیت کی جانب بھیجے جانے والے انبیائے کرام کے سلسلے کے آخری نبی ہیں جن کو اللہ نے اپنے دین کی درست شکل انسانوں کی جانب آخری بار پہنچانے کے لیے دنیا میں بھیجا۔ انسائیکلوپیڈیا بریٹانیکا کے مطابق آپ دنیا کی تمام مذہبی شخصیات میں سب سے کامیاب شخصیت تھے۔ 570ء (بعض روایات میں 571ء) مکہ میں پیدا ہونے والے محمد پر قرآن کی پہلی آیت چالیس برس کی عمر میں نازل ہوئی۔ ان کا وصال تریسٹھ (63) سال کی عمر میں 632ء میں مدینہ میں ہوا، مکہ اور مدینہ دونوں شہر آج کے سعودی عرب میں حجاز کا حصہ ہیں۔ محمد بن عبداللہ بن عبدالمطلب بن ہاشم بن عبد مناف کے والد کا انتقال ان کی دنیا میں آمد سے قریبا چھ ماہ قبل ہو گیا تھا اور جب ان کی عمر چھ سال تھی تو ان کی والدہ حضرت آمنہ بھی اس دنیا سے رحلت فرما گئیں۔ عربی زبان میں لفظ "محمد" کے معنی ہیں 'جس کی تعریف کی گئی'۔ یہ لفظ اپنی اصل حمد سے ماخوذ ہے جس کا مطلب ہے تعریف کرنا۔ یہ نام ان کے دادا عبدالمطلب نے رکھا تھا۔ محمد کو رسول، خاتم النبیین، حضور اکرم، رحمۃ للعالمین اور آپ کے القابات سے بھی پکارا جاتا ہے۔ اس کے علاوہ بھی آپ کے بہت نام و القاب ہیں۔ نبوت کے اظہار سے قبل محمد نے اپنے چچا ابو طالب کے ساتھ تجارت میں ہاتھ بٹانا شروع کر دیا۔ اپنی سچائی، دیانت داری اور شفاف کردار کی وجہ سے آپ عرب قبائل میں صادق اور امین کے القاب سے پہچانے جانے لگے تھے۔ آپ کے پاس 610ء میں ایک روز جبرائیل (فرشتہ) ظاہر ہوئے اور محمد کو اللہ کا پیغام دیا۔ جبرائیل نے اللہ کی جانب سے جو پہلا پیغام محمد کو پہنچایا وہ یہ ہے۔
-
عائشہ معمر قذافی لیبیا کے رہنما معمر قذافی کی بیٹی ہیں، عالم عربی و عالم انسانی کے مسائل و قضایا میں دلچسپی لیتی تھیں اور مستقل انھیں حل کرانے کی کوشش کرتی تھی، اسی طرح اپنی مظبوط شخصیت اور خیراتی و رفاہی کاموں کے تئیں دلچسپی میں مشہور تھیں، "امن کی شہزادی" کے لقب سے پکارا جاتا تھا۔ اقوام متحدہ نے سنہ 2009ء میں عائشہ معمر قذافی کو خواتین اور بچوں کے امور میں ان کاوشوں کے اعزاز میں انھیں "اقوام متحدہ کا خیر سگالی سفیر" مقرر کرنے کا اعلان کیا تھا۔
-
-
ہم ہو گئے آپ کے (انگریزی: Hum Ho Gaye Aapke) 2001ء کی ایک بھارتی رومانوی ڈراما فلم ہے جسے اگتھیان نے ہدایت کیا۔ یہ فلم فردین خان اور ریما سین کے مرکزی کرداروں پر مبنی ہے، جس میں ریما سین نے فلمی زندگی میں پہلی بار اداکاری کی۔ یہ فلم اگتھیان کی 1996ء کی تمل فلم Gokulathil Seethai کی ہندی ری میک ہے۔ فلم 3 اگست 2001ء کو ریلیز ہوئی۔
-
فرہنگِ آصفیہ اردو کی معروف ترین اور پہلی باقاعدہ مکمل لغت ہے۔ اس سے پہلے اردو - فارسی اور اردو - انگریزی لغات شائع ہو چکی تھیں، جب کہ اردو محاورات کے چند مجموعے بھی چھپ چکے تھے، جن میں منشی چرن جی کی مخزن المحاورات، امتیاز علی بیگ کی مخزنِ فوائد اور خود مولوی سید احمد دہلوی کی مصطلحاتِ اردو وغیرہ شامل ہیں لیکن باقاعدہ اور مکمل اردو سے اردو لغت کا وجود نہیں تھا۔
-
زہرہ : سورج سے دوسرا سیارہ ہے اور سورج کے گرد ایک چکر زمینی وقت کے مطابق 224.7 دنوں میں مکمل کرتا ہے۔ اس کا نام قدیم رومن دیوی زہرہ (venus)کے نام پر رکھا گیا ہے جو محبت و حسن کی دیوی کہلاتی تھی۔ رات کے وقت آسمان پر ہمارے چاند کے بعد دوسرا روشن ترین خلائی جسم ہے۔ اس کی روشنی سایہ بنا سکتی ہے۔ یہ سیارہ عموماً سورج کے آس پاس ہی دکھائی دیتا ہے۔ سورج غروب ہونے سے ذرا بعد یا سورج طلوع ہونے سے ذرا قبل زہرہ کی روشنی تیز ترین ہوتی ہے۔ اس وجہ سے اسے صبح یا شام کا ستارہ بھی کہا جاتا ہے۔
-
یوسف علیہ السلام اللہ تعالٰی کے نبی تھے۔ آپ کا ذکر بائبل میں بھی ملتاہے۔ آپ یعقوب علیہ السلام کے بیٹے تھے۔ آپ کا تعلق انبیا اللہ کے خاندان سے تھا۔ گیارہ سال کی عمر سے ہی نبی ہونے کے آثار واضح ہونے لگے۔ آپ نے خواب میں دیکھا کہ گیارہ ستارے، سورج اور چاند آپ کو سجدہ کر رہے ہیں۔ آپ کے والد یعقوب علیہ السلام نے آپ کو اپنا خواب کسی اور کو سنانے سے منع کیا۔ قرآن مجید کی ایک سورت ان کے نام پہ ہے۔ قران نے یوسف علیہ السلام کے قصے کو احسن القصص کہا ہے۔ سورہ انعام اور سورہ غافر میں بھی ان کا ذکر آیا ہے۔
-
گھیراؤ احتجاج یا مظاہرے کا ایک طریقہ ہے جسے عموماً بھارت میں استعمال کیا جاتا ہے۔ عام طور پر مزدوروں کا یونین یا کسی تنظیم کے کارکن اپنے مقصد کے حصول یا اپنا اختلاف درج کرانے کے لیے کسی جگہ کا گھیراؤ کرتے ہیں۔ نیز وہ کسی سیاسی لیڈر، سرکاری عمارت یا کسی ایسی جگہ یا شخص کا گھیراﺅ بھی کرتے ہیں جن پر انھیں اعتراض ہوتا ہے یا جن سے وہ اپنا جواب طلب کرنا چاہتے ہیں اور یہ گھیراﺅ تب تک جاری رہتا ہے جب تک ان کے مطالبات پورے نہیں ہوتے یا انھیں جواب نہیں مل جاتا۔ اس طرح کا احتجاج 1969ء میں پی ڈبلیو ڈی کے ایک رکن سبودھ بنرجی نے مزدوروں کے مطالبات رکھنے کے لیے کیا تھا۔ تب سے یہ طریقہ استعمال ہوتا چلا آ رہا ہے اور اب یہ احتجاج کا ایک رسمی طریقہ بن چکا ہے۔ 1969ء میں مغربی بنگال کے یونائیٹیڈ فرنٹ نے بھی یہ طریقہ اپنایا تھا۔
-
ابوحفص عمر فاروق بن خطاب عدوی قرشی (586ء/590ء، مکہ - 6 نومبر 644ء، مدینہ) ابوبکر صدیق کے بعد مسلمانوں کے دوسرے خلیفہ راشد، محمد مصطفی صَلَّی اللہُ تَعَالٰی عَلَیْہِ وَاٰلِہٖ وَسَلَّمَ کے سسر اور تاریخ اسلام کی اہم ترین شخصیات میں سے ایک ہیں۔ عمر بن خطاب رضی اللہ عنہ عشرہ مبشرہ میں سے ہیں، ان کا شمار علما و زاہدین صحابہ میں ہوتا تھا۔ ابوبکر صدیق رضی اللہ عنہ کی وفات کے بعد 23 اگست سنہ 634ء مطابق 22 جمادی الثانی سنہ 13ھ کو مسند خلافت سنبھالی۔ عمر بن خطاب ایک باعظمت، انصاف پسند اور عادل حکمران مشہور ہیں، ان کی عدالت میں مسلم و غیر مسلم دونوں کو یکساں انصاف ملا کرتا تھا، عمر بن خطاب کا یہ عدل و انصاف انتہائی مشہور ہوا اور ان کے لقب فاروق کی دیگر وجوہ تسمیہ میں ایک وجہ یہ بھی بنی۔ آپ رضی اللہ عنہ کا نسب نویں پشت میں رسول اکرم صلی اللہ علیہ و آلہ و سلم سے جا ملتا ہے۔ آپ صلی اللہ علیہ و آلہ و سلم کی نویں پشت میں کعب کے دو بیٹے ہیں مرہ اور عدی۔ رسول اللہ صلی اللہ علیہ و آلہ و سلم مرہ کی اولاد میں سے ہیں، جبکہ حضرت عمر رضی اللہ عنہ عدی کی اولاد میں سے ہیں۔
-
موہن داس کرم چند گاندھی (گجراتی: મોહનદાસ કરમચંદ ગાંધી؛ ہندی: मोहनदास करमचंद गांधी؛ انگریزی: Mohandas Karamchand Gandhi؛ 2 اکتوبر، 1869ء تا 30 جنوری 1948ء) بھارت کے سیاسی اور روحانی رہنما اور آزادی کی تحریک کے اہم ترین کردار تھے۔ انھوں نے ستیہ گرہ اور اہنسا (عدم تشدد) کو اپنا ہتھیار بنایا۔ ستیہ گرہ، ظلم کے خلاف عوامی سطح پر منظم سول نافرمانی ہے جو عدم تشدد پر مبنی ہے۔ یہ طریقۂ کار ہندوستان کی آزادی کی وجہ بنی اور ساری دنیا کے لیے حقوق انسانی اور آزادی کی تحاریک کے لیے روح رواں ثابت ہوئی۔ بھارت میں انھیں احترام سے مہاتما گاندھی اور باپو کہا جاتا ہے۔ بھارت میں وہ بابائے قوم(راشٹر پتا) کے نام سے بھی مشہور ہیں۔ گاندھی کی یوم پیدائش (گاندھی جینتی) بھارت میں قومی تعطیل کا درجہ رکھتا ہے اور دنیا بھر میں یوم عدم تشدد کے طور پر منایا جاتا ہے۔ 30 جنوری، 1948ء کو ایک ہندو قوم پرست نتھو رام گوڈسے نے ان کا قتل کر دیا۔
-
-
-
حُمَید بن مسلم ازدی واقعہ کربلا کی روایات نقل کرنے والوں میں سے ہے۔ یہ روز عاشورا عمر بن سعد کا وہ سپاہی تھا جس نے شمر بن ذی الجوشن کو حضرت امام سجاد کو قتل کرنے کے ارادہ سے باز رکھا اور خیام کو آگ لگانے میں آڑے آیا۔ عمر بن سعد کے حکم سے وہ حضرت امام حسین ؑ کا سر خولی کے ہمراہ عبید اللہ بن زیاد کے پاس لے کر گیا۔
-
-
-
اطہر من اللہ (پیدائش: 30 سمبر 1961ء) پاکستانی قانون دان ہیں جو 11 نومبر 2022ء سے عدالت عظمیٰ پاکستان کے جج کے طور پر خدمات انجام دے رہے ہیں۔ عدالت عظمیٰ پاکستان میں تعیناتی سے قبل وہ عدالت عالیہ اسلام آباد کے 8 سال جج اور 28 نومبر 2018ء سے 10 نومبر 2022ء تک چیف جسٹس کے طور پر خدمات انجام دے چکے ہیں۔
-
استاد بڑے فتح علی خان کا تعلق بر صغیر پاک و ہند کے مشہور پٹیالہ گھرانے سے ہے۔ اس گھرانے کی بنیاد ان کے دادا علی بخش اور ان کے دوست فتح علی خان نے رکھی تھی۔ ان کے فن گائیکی کو داد تحسین پیش کرتے ہوئے لارڈ ایلگن نے علی بخش کو جرنیل اور فتح علی خان کو کرنیل کا خطاب دیا۔ علی بخش کے بیٹےاستاد اختر حسین خان کے تین بیٹے ہوئے جو دنیائے موسیقی میں استاد امانت علی خان، استاد فتح علی خان اور استاد حامد علی خان کے نام سے مشہور ہیں۔ گوالیار گھرانے کے ایک گائیک کو بھی استاد فتح علی خان کے نام سے جانا جاتا ہے، لہذا شناخت کے اس مخمصے سے بچنے کے لیے پٹیالہ گھرانے کے استاد فتح علی خان کو استاد بڑے فتح علی خان کہا جاتا ہے۔
-
معاویہ بن ابی سفیان (ت 597ء، 603ء یا 605ء – اپریل 680ء) اموی خلافت کے بانی اور پہلے خلیفہ تھے۔ انھوں نے 661ء سے اپنی وفات تک حکومت کی۔ وہ پیغمبر اسلام کی وفات کے تقریباً تیس برس بعد اور چار خلفائے راشدین کے فوراً بعد خلیفہ بنے۔ اپنے پیش روؤں کے برعکس (جو ابتدائی اور قریبی صحابہ میں شمار ہوتے تھے) معاویہ نسبتاً بعد میں اسلام قبول کرنے والے صحابہ میں سے تھے۔
-
-
-
میر سراج خان رئیسانی ایک پاکستانی سیاست دان جن کا تعلق بلوچستان عوامی پارٹی سے تھا۔ وہ 13 جولائی 2018ء کو پاکستانی عام انتخابات سے قبل اپنی نشست کے لیے مہم چلا رہے تھے اور مہم کے دوران خودکش دھماکا ہو گیا اور فوت ہو گئے۔ ان کی وفات کے بعد الیکشن کمیشن آف پاکستان نے اس حلقے میں انتخابات ملتوی کر دیے.
-
پنجاب پاکستان کا ایک صوبہ ہے جو آبادی کے لحاظ سے پاکستان کا سب سے بڑا صوبہ ہے۔ پنجاب میں رہنے والے لوگ پنجابی کہلاتے ہیں۔ پنجاب جنوب کی طرف سندھ، مغرب کی طرف خیبرپختونخوا اور بلوچستان، شمال کی طرف کشمیر اور اسلام آباد اور مشرق کی طرف ہندوستانی پنجاب اور راجستھان سے ملتا ہے۔ پنجاب میں بولی جانے والی زبان بھی پنجابی کہلاتی ہے۔ پنجابی کے علاوہ وہاں کردستانی ،بلوچوں اور عربی نژادوں کی کافی تعداد ہے۔ پنجاب کا دار الحکومت لاہور ہے۔ مردم شماری پاکستان 2023ء کے مطابق صوبہ پنجاب کی آبادی بارہ کروڑ چھہتر لاکھ اٹھاسی ہزار نو سو بائیس 127٫688٫922 افراد پر مشتمل ہے۔ پنجاب سب سے بڑا بارہ کروڑ آبادی والا صوبہ ہے۔
-
صحابہ (عربی: الصحابۃ، "پیروکار") اسلام میں نبی محمد صلی اللہ علیہ و آلہ و سلم، کے ان پیرو کاروں کو کہا جاتا ہے جنھوں نے ان کی اپنی حیات میں اسلام قبول کیا اور ان کو کچھ وقت کی صحبت ملی۔ اور اسی ایمان کی حالت میں وہ دنیا سے گئے۔ بعض صحابہ نابینا بھی تھے اور بعض لوگ جنھوں نے اسلام قبول کیا، مگر محمد صلی اللہ علیہ و آلہ وسلم کے دور یا بعد میں پھر مرتد ہوئے اور پھر اسلام قبول کیا (محمد صلی اللہ علیہ و آلہ وسلم کی حیات کے بعد) تو ان کو صحابی نہیں کہا جاتا۔
-
-
-
-
-
بھدر (انگریزی: Bhaddar) ایک قصبہ اور تحصیل کھاریاں کی یونین کونسل جو ضلع گجرات پنجاب، پاکستان میں واقع ہے۔ بھدر گجرات کا ایک معروف اور بڑا قصبہ ہے یہ گاؤں ہر اعتبار سے نمایاں حیثیت سے جانا جاتا ہے سیاسی، سماجی، مذہبی، کاروباری اور ملکی اداروں میں نمایاں حیثیت جبکہ سیاسی اعتبار سے پنجاب اسمبلی میں کئی برسوں سے اس گاؤں کی نشست رہی اور ضلع کی معروف نشست ہوتی ہے... جبکہ مذہبی و سماجی اعتبار سے یہاں کا دینی ادارہ گوجرانوالہ ڈویژن کا سب سے بڑا دینی ادارہ ہے جس کی پہچان ملک کے طول وبلد تک جانی جاتی ہے اور اس گاؤں کی مذہبی شخصیت جو پورے ضلع میں مذہبی ہم آہنگی اورامن واتفاق کے سب سے بڑے داعی ہیں ضلعی امن کمیٹی کے برسوں سے ممبر چلے آ رہے ہیں اور ان کی ذہنی خدمات ہر طرف مسلم ہیں... اسی طرح ملکی اداروں چاہے پاک فوج ہو یا پولیس کا ادارہ ہو یہاں سے جرنل، کرنل، برگیڈیر اور ڈی.
