-
Lionel Sebastián Scaloni, nado en Pujato, Santa Fe, o 16 de maio de 1978, é un exfutbolista e adestrador arxentino, que dende 2018 dirixe a selección arxentina. Xogaba como lateral dereito ou centrocampista e desenvolveu a maior parte da súa carreira como futbolista no Deportivo da Coruña, no que militou durante nove tempadas, disputando 301 partidos oficiais. Gañou co equipo galego unha liga de Primeira División, unha Copa do Rei e dúas Supercopas de España, e é o xogador con máis partidos da historia do club na Liga de Campións (52).
-
Funa é un vocábulo de orixe mapuche utilizado en Chile para denominar a unha manifestación de denuncia e repudio público contra unha persoa ou grupo que cometeu un acto que se considera ilegal ou inxusto. Segundo o Diccionario de americanismos da ASALE, esta práctica leva a cabo especialmente se a persoa «funada» estivo relacionado con actividades represoras. O termo transcendeu e é frecuentemente utilizado noutros países de Hispanoamérica e España, sobre todo, a través da rede.
-
-
-
Guadalaxara (en castelán: Guadalajara) é unha cidade do centro de España, capital da provincia de Guadalaxara, na comunidade autónoma de Castela-A Mancha, á beira do río Henares. O seu censo municipal é de 87.452 habitantes (INE 2022) e a área do seu concello abrangue 267,5 km². Está situada a 55 km de Madrid.
-
-
-
-
O Estadio Municipal de Altamira é un recinto deportivo adicado á práctica do atletismo, do fútbol e do rugby, situado na localidade de Ordizia (Guipúscoa). Reformado en 2007, o terreo de xogo é de herba artificial, e a tribuna lateral cuberta conta cuns 430 asentos. As pistas sintéticas de atletismo están homologadas para calquera tipo de competición oficial.
-
-
-
O Real Club Celta de Vigo S.A.D., coñecido popularmente como Celta, é un equipo de fútbol galego fundado na cidade de Vigo o 23 de agosto de 1923 por unión do Real Vigo Sporting Club e o Real Club Fortuna de Vigo. Disputa os seus partidos no estadio de Balaídos, inaugurado o 30 de decembro de 1928. O 3 de xuño de 2012 conseguiu volver á primeira división logo de descender na tempada 2006-07 tras quedar 18º.
-
-
O Imperio Español, tamén coñecido como monarquía española, foi un imperio colonial que existiu durante a Idade Moderna. Composto polo conxunto de territorios de España -ou das dinastías reinantes en España- en África, Asia, América, Europa e Oceanía ao longo da historia. Tras o descubrimento de América en 1492, España colonizou grandes extensións de territorio en América, desde o actual suroeste dos Estados Unidos, México, e o Caribe, ata Centroamérica e a maior parte de Suramérica.
-
Homero xuntaba adxectivos e substantivos para crear adexectivos compostos coñecidos como epitetos homéricos que aplicaba a nomes fixos. Tanto A Ilíada como A Odisea caracterízanse por contar con numerosos destes epítetos dobres, como Aquiles, o dos pés lixeiros ou a aurora de dedos rosados. O nome máis o epíteto constitúen unha fórmula que se axusta á estrutura métrica do verso.
-
-
-
-
-
-
-
-
-
O río Tuela é un río de vertente atlántica situado no noroeste da Península Ibérica que discorre por España e Portugal. Os ríos Tuela, Mazás e Támega, xunto con algún outro de menor caudal da Galicia suroriental, pertencen ao grupo de afluentes setentrionais do Douro portugués. Todos eles difiren dos afluentes do Douro no tramo español en que estes últimos conflúen co Douro augas arriba do xigantesco chanzo conformado en Arribas do Douro, materializado polo sistema de canóns na área fronteiriza con Portugal das provincias de Zamora e Salamanca.
-
-
Unha posición sexual é unha posición do corpo que a xente usa para relacións sexuais ou outras actividades sexuais. Os actos sexuais son xeralmente descritos polas posicións que adoptan os participantes para realizar eses actos. Aínda que as relacións sexuais xeralmente implican penetración do corpo dunha persoa por outra, as posicións sexuais normalmente implican actividades sexuais penetrativas ou actividades sexuais sen penetración.
-
Santo Estevo da Rúa de Valdeorras é unha parroquia que se localiza no leste do concello da Rúa. Segundo o IGE, en 2023 tiña 4.104 habitantes (2.058 homes e 2.046 mulleres), distribuídos en 2 entidades de poboación, o que supón unha diminución en relación ao ano 1999 cando tiña 4 887 habitantes. Eclesiasticamente,a parroquia de San Xulián está englobada dentro desta parroquia, mentres que a localidade de Fontei constitúe unha parroquia eclesiástica á parte.
-
Adrián Ben Montenegro, nado en Viveiro o 4 de agosto de 1998, é un atleta galego especialista en probas de media distancia. Foi campión de España e de Europa dos 800 metros, especialidade na que acadou ademais dúas finais mundiais e unha final olímpica. Foi tamén dúas veces finalista mundial e campión de España na proba dos 1500 metros.
-
A síntese orgánica é unha rama da síntese química que se ocupa da construción artificial de compostos orgánicos. Os compostos orgánicos son moléculas que consisten en combinacións de átomos de hidróxeno, carbono, oxíxeno e nitróxeno unidos covalentemente. Dentro da disciplina da síntese orgánica hai tipos moi diferentes de rutas sintéticas que se poden utilizar, incluíndo a síntese total, a síntese estereoselectiva, e a síntese automatizada, entre outras.
-
Kazakhstán está dividido en 14 provincias (oblystar; singular: oblys) e 3 cidades (qalalar, singular - qala), indicadas con asteriscos: Almaty Almaty (cidade) Aqmola Aqtöbe Astana* Atyrau Baikonur* (Bayqonyr) Kazakhstán Oriental (Shyghys Qazaqstan) Mangghystau Kazakhstán do Norte (Soltustik Qazaqstan) Pavlodar Qaraghandy Qostanai Qyzylorda Kazakhstán do Sur (Ongtüstik Qazaqstan) Kazakhstán Occidental (Batys Qazaqstan) Jambyl As provincia sepáranse logo en distritos (en kazako: аудандар/audandar; singular: аудан/audan; en ruso: районы/raiony; singular: район/raion).
-
Unha planta rubideira ou planta gateadora é aquela que medra suxeitándose nun soporte, ben enrolándose, ben a través de órganos fixadores especiais. As rubideiras non se manteñen erguidas por si mesmas, necesitando doutra planta, un muro, un penedo, unha parra, un espaller, unha pérgola, unha rede etc. Para iso poden utilizar órganos como gabiáns, raíces adventicias etc.
-
Jorge Daniel Ribolzi Antoniazzi, nado en Ramos Mejía o 25 de xaneiro de 1953, é un exfutbolista e adestrador arxentino, que xogaba como centrocampista. Comezou a súa carreira no Atlanta e consagrouse en Boca Juniors, co que gañou tres campionatos da Primeira División, unha Copa Libertadores e a Copa Intercontinental de 1977. Entre 1978 e 1979 tivo un breve paso por Galicia, onde xogou no Deportivo da Coruña, antes de regresar ao fútbol suramericano, onde desenvolveu o resto da súa carreira.
-
A Illa de Covo, máis coñecida como Illa das Esculturas, é un parque e unha insua situados preto da foz do río Lérez, en Pontevedra. Ten unha superficie de 70.000 m² e está conectada con ambas beiras do río por pasarelas e pontes peonís. É o maior e máis importante museo ao aire libre de Galicia e un dos máis importantes de España.
-
A rede provincial de estradas de Lugo é o conxunto de estradas das que é titular a Deputación de Lugo. Está composta por 4.216,738 km de estradas convencionais e non inclúe ningunha vía da alta capacidade. As estradas e vías das que é titular a deputación transcorren unicamente polo seu territorio e atópanse recollidas no catálogo de estradas aprobado polo pleno da deputación no ano 2017.
-
-
-
-
O ferrado (tamén coñecida como tega nalgúns lugares) é unha medida galega, moi variábel dun lugar a outro. Dada a variedade existente, almanaques agrícolas como o ZZ, O Mintireiro Verdadeiro ou O Gaiteiro de Lugo adoitaban incluír unha equivalencia co sistema métrico decimal segundo as zonas xeográficas.
-
-
As amígdalas palatinas, tamén chamadas tonsilas palatinas (TA en latín tonsilla palatina) son dúas tonsilas de tecido linfoide situadas nos lados esquerdo e dereito da parte posterior da garganta, que adoitan verse como vultos de cor carnosa ou rosada. Só teñen aspecto branco cando se inflaman ou están infectadas con síntomas de exsudados (drenaxes de pus) e inchamento. A amigdalite (tamén chamada popularmente anxinas) é unha inflamación das amígdalas palatinas, que con frecuencia pode causar dor de gorxa e febre.
-
-
Santomera é un concello español da Rexión de Murcia, situado na Huerta de Murcia. Tiña unha poboación de 15.860 habitantes en 2014. Este municipio creouse en 1978 ao segregarse de Murcia, aínda que xa fora independente no século XIX. No seu termo municipal encóntranse as poboacións de Santomera, El Siscar e La Matanza, sendo a primeira delas a que ostenta a capitalidade.
-
Joaquín Domínguez Portela, coñecido como Elxokas, nado en Lugo o 13 de abril de 1991, é un influenciador, streamer, youtuber e creador de contido en Twitch e YouTube. Comezou como streamer en 2018 en Twitch creando contido do videoxogo World of Warcraft. En 2019, era xa o creador de contido máis grande da comunidade hispanofalante nesta categoría.
-
-
Galicia ( pronunciación ) ou Galiza ( pronunciación ) é unha nación recoñecida internacionalmente en 1933 e establecida xurídica e administrativamente dende 1978 como comunidade autónoma segundo a Constitución española co rango de nacionalidade histórica determinado no seu Estatuto de autonomía, dentro do Reino de España e a Unión Europea. O seu territorio está situado no extremo noroeste da Península Ibérica e linda, ao leste, coas comunidades autónomas de Asturias e Castela e León, ao oeste co océano Atlántico, ao norte co mar Cantábrico e ao sur coa República de Portugal. Ten como lingua propia o galego, de orixe común co portugués (ambas as dúas proveñen da lingua medieval coñecida como galego-portugués), e comparte oficialidade co castelán, que é oficial en toda España.
-
Memorias dun neno labrego é unha novela social e histórica do galego Xosé Neira Vilas, publicada na Arxentina o 5 de xaneiro de 1961 por Follas Novas, distribuidora de libros e editorial fundada polo propio autor e a súa muller, Anisia Miranda. É o segundo libro publicado polo autor, primeiro en prosa, despois do poemario Dende lonxe (1960). Memorias foi escrito en tres meses no café La Vieja Viena, do barrio porteño de Villa Urquiza.
-
-
La ley del deseo é un filme español de 1987 de comedia e suspense escrito e dirixido por Pedro Almodóvar. Está protagonizada por Eusebio Poncela como Pablo, Carmen Maura como Tina e Antonio Banderas como Antonio, e foi o primeiro filme que Almodóvar realizou de maneira independente coa súa propia produtora El Deseo.
-
-
José Mario Martínez Arroyo, nado na Paz (Bolivia) o 26 de xaneiro de 1971, máis coñecido como José Andrëa (engadiu o nome «Andrea» pola súa primeira filla) é un cantante boliviano-español coñecido polo seu traballo co grupo de folk metal Mägo de Oz. Actualmente é vocalista e líder da banda José Andrëa e Uróboros.
-
-
A criptomeria ou cedro xaponés, Cryptomeria japonica (L.f.) D. Don, é a única especie de árbore do xénero Cryptomeria. É unha conífera pertencente á familia das cupresáceas, endémica do Xapón, onde é coñecida co nome xaponés de sugi (杉). En Occidente incrementouse o uso do termo "sugi" para se referir a esta árbore, xa que semella máis axeitado ca o usado antigamente: "cedro xaponés", xa que o "sugi" non é un auténtico cedro (xénero Cedrus).
-
-
Saving Private Ryan é un filme estadounidense de 1998 dirixido por Steven Spielberg, cuxa historia é unha adaptación dun suceso real. É destacable precisar que esta película recadou en portelo, soamente en Estados Unidos, 500 millóns de dólares e, xa que logo, é considerada como unha das películas con maior recadación da historia. 9 anos despois da súa estrea, aínda é considerada por moitos como a mellor película bélico-dramática que se fixo, grazas á maxia de Steven Spielberg quen durante toda a súa vida soñara con realizar un proxecto coma este.
-
Belisardo Pumpido Flores, nado en Cádiz o 30 de decembro de 1818 e finado en Santiago de Compostela o 8 de agosto de 1875, foi un militar español. Participou nas guerras carlistas e recibiu a Cruz Laureada de San Fernando de primeira clase, a cruz da Orde de Carlos III, a cruz da Orde de San Hermenexildo e a cruz militar dos Defensores de Reus. Foi un dos primeiros oficiais do exército que se incorporou á Garda Civil, pouco despois da súa fundación polo Duque de Ahumada.
-
A charamela ou xaramela é un instrumento musical de vento (vento-madeira). Probabelmente orixinario de Eurasia, está construído en madeira e ten unha palleta. Nos instrumentos, en xeral, define aerófonos de insuflación de boca directa con palletas dobres ou simples, similares ao punteiro da gaita, e algúns deles derivaron no clarinete.
-
María Rosario Aida Méndez Miaja
María Rosario Aida Méndez Miaja, nada en Santiago de Compostela o 17 de xuño de 1930, é unha científica galega.
-
Rosario Porto Ortega, nada en Santiago de Compostela o 18 de decembro de 1969 e finada en Brieva o 18 de novembro de 2020, foi unha avogada galega non exercente, condenada, canda a seu esposo, Alfonso Basterra, polo asasinato da filla adoptiva de ámbolos dous, Asunta Basterra, en 2013. Rosario remataría suicidándose en prisión.
-
Para ver unha introdución non enciclopédica para os visitantes do que é a Wikipedia, véxase Wikipedia:Acerca de. A Wikipedia é un proxecto de enciclopedia de contido libre, multilingüe e de contido aberto operativo grazas á organización sen ánimo de lucro Fundación Wikimedia. O seu nome é unha mestura das palabras wiki (unha tecnoloxía para crear páxinas web colaborativas) e enciclopedia.
-
-
Candy Candy (no orixinal en xaponés: キャンディ・キャンディ; Kyandi Kyandi) é un manga creado pola escritora Kyōko Mizuki, un dos pseudónimos de Keiko Nagita, e a mangaka Yumiko Igarashi, pseudónimo de Yumiko Fijii, publicado no Xapón por Kōdansha Ltd. desde 1975 a 1979 e gañou o primeiro premio Kodansha Manga para shōjo en 1977. A historia conta as vivencias dunha rapaza orfa chamada Candice "Candy" White.
-
José Ángel Esmorís Tasende, coñecido como Angeliño, nado en Silván (Erbecedo, Coristanco) o 4 de xaneiro de 1997, é un futbolista galego que xoga de lateral esquerdo na Roma, da Serie A italiana. Formado nas canteiras do Bergantiños e do Deportivo da Coruña, desenvolveu a súa carreira como profesional en clubs de sete países diferentes, vestindo as camisetas de Manchester City, New York City, Girona, Mallorca, NAC Breda, PSV Eindhoven, RB Leipzig, Galatasaray e Roma. É irmán do tamén futbolista Dani Tasende.
-
-
Helenio Herrera Gavilán, nado en Buenos Aires o 10 de abril de 1910 e finado en Venecia o 9 de novembro de 1997, foi un futbolista e adestrador arxentino de ascendencia española e naturalizado francés. Considerado un dos mellores adestradores de todos os tempos, desenvolveu a súa carreira principalmente entre España (onde gañou catro ligas e dúas Copas do Rei) e Italia, país no que dirixiu durante case unha década ao Inter de Milán, na época do coñecido como Grande Inter, conquistando tres títulos da Serie A, dúas Copas de Europa consecutivas e dúas Copas Intercontinentais. Tras unha modesta carreira como futbolista entre Marrocos e Francia, iniciouse nos bancos no país galo en 1944, e logrou o seu primeiro éxito ao ascender co Stade Français á primeira división francesa.
-
Avante LGBT+ (Anteriormente Avante LGTB e Avante LGBT) é unha organización galega conformada por persoas lésbicas, gais, bisexuais, trans, e outras diversidades, que defenden os dereitos do colectivo LGBT+. Esta organización, de ideoloxía feminista e anticapitalista, foi fundada en Santiago de Compostela o 27 de setembro de 2017 após dunha asemblea aberta á que asistiron preto de 100 persoas e que tivo lugar na Facultade de Filosofía da Universidade de Santiago de Compostela. No ano 2018 Avante LGBT+ atravesou un proceso de expansión territorial que culminaría coa súa Asemblea Nacional Constituínte.
-
-
-
A galiña de Mos (ou raza de Mos) é unha das razas de pita máis antigas da Península Ibérica. Orixinaria de Galicia debe o seu nome á parroquia de San Xiao de Mos (no concello de Castro de Rei, Lugo), xa que foi nesta zona onde se comezou o proceso de selección para a recuperación da raza orixinal. O trazo máis salientable é a súa crista en chícharo, que se caracteriza por ser pequena e ter tres filas de papilas ou puntos.
-
Escola Municipal de Teatro de Vigo
A Escola Municipal de Teatro de Vigo é un centro de ensino de carácter público, dependente do Concello de Vigo, e especializado en teatro.
-
-
-
Pokémon Scarlet e Pokémon Violet son dous videoxogos de rol de 2022 desenvolvidos por Game Freak e publicados por Nintendo e The Pokemon Company para a consola Nintendo Switch. Os videoxogos foron anunciados en febreiro de 2022, sendo os primeiros títulos da novena xeración de Pokémon e a súa estrea está prevista para o 18 de novembro de 2022.
-
A columna vertebral, raque ou espiña dorsal é unha complexa estrutura osteofibrocartilaxinosa articulada e resistente, en forma de talo lonxitudinal, que constitúe a porción posterior e inferior do esqueleto axial. A columna vertebral é un órgano situado (na súa maior extensión) na parte media e posterior do tronco, e vai dende a cabeza (á cal sostén), pasando polo pescozo e as costas, até a pelve á cal lle dá soporte.
-
Valga (/ˈbalɣa̝/) é un concello da provincia de Pontevedra, situado na beira esquerda do curso baixo do río Ulla. Pertence á comarca de Caldas e linda cos concellos de Dodro, Pontecesures e Padrón polo norte, co de Cuntis e o da Estrada polo leste, cos de Catoira e Caldas de Reis polo sur, e de novo co de Dodro polo noroeste. Segundo o IGE a súa poboación no ano 2014 era de 6.050 persoas.
-
-
O galego ([ɡaˈleɣo̝]) é unha lingua indoeuropea que pertence á póla de linguas románicas. É a lingua propia de Galicia, onde é falada por uns 2,4 millóns de galegos. Á parte de en Galicia, a lingua fálase tamén en territorios limítrofes con esta comunidade, aínda que sen estatuto de oficialidade (agás en casos puntuais, como na Veiga), así como pola diáspora galega que emigrou a outras partes de España, a América Latina, os Estados Unidos, Suíza e outros países de Europa.
-
Municipio de San Juan Cacahuatepec
San Juan Cacahuatepec é un dos 570 municipios nos que se divide o estado mexicano de Oaxaca, situado na Rexión da Costa do estado de Oaxaca, no Distrito de Jamiltepec. A súa cabeceira municipal é a poboación de San Juan Cacahuatepec, con aproximadamente 4.000 habitantes, lugar de nacemento do cantautor Álvaro Carrillo. Cacahuatepec é un dos municipios costeiros que lograron unha notable prosperidade nos últimos 25 anos, sen esquecer que noutros tempos a súa cabeceira municipal tamén foi unha vila pioneira, con grande influencia comercial e económica entre comunidades da costa e cidades como Puebla de los Ángeles, Acapulco de Juárez, Putla Villa de Guerrero, Ometepec, Pluma Hidalgo etc., grazas á súa pista aérea, ademais de ser unha comunidade que contaba con luz eléctrica moitos anos antes ca outras cidades que hoxe son puntos estratéxicos importantes para o comercio e a gandería.
-
-
Cuíña, Quireza, Cerdedo Cotobade
Cuíña é un lugar da parroquia de Quireza, no concello pontevedrés de Cerdedo Cotobade. Segundo o Instituto Galego de Estatística, en 2024 tiña 29 habitantes (14 homes e 15 mulleres).
-
José Antonio Reyes Calderón, nado en Utrera (Sevilla) o 1 de setembro de 1983 e finado en Alcalá de Guadaíra o 1 de xuño de 2019, foi un futbolista español de orixe xitana, internacional en 21 ocasións coa selección española de fútbol. Faleceu nun accidente de tráfico preto da súa localidade natal aos 35 anos de idade. Foi o xogador máis novo en debutar en Primeira División co Sevilla FC cando tiña dezaseis anos.
-
-
Julianna Margulies, nada o 8 de xuño de 1966 en Spring Valley, estado de Nova York, é unha actriz e produtora estadounidense. Tras interpretar varios pequenos papeis logrou o éxito co seu papel como a enfermeira Carol Hathaway no drama médico da NBC ER, rol polo que gañou un premio Emmy. No 2009, comezou a interpretar o papel de Alicia Florrick, personaxe principal no drama legal estadounidense The Good Wife na CBS que gañou un Globo de Oro, oito Screen Actors Guild Awards, un Satellite Awards, dos Television Critics Association Awards e tres Emmy, o último no 2014 como Mellor Actriz de Drama.
-
Eclipse solar do 12 de agosto de 2026
A eclipse solar do 12 de agosto de 2026 será unha eclipse solar total. É a seguinte europea despois das que tiveron lugar o 11 de agosto de 1999 no norte de Francia, o sur de Bélxica, Luxemburgo, o sur de Alemaña, Austria, Hungría, o norte de Iugoslavia e Bulgaria; e o 29 de marzo de 2006 na illa de Kastelórizo en Grecia e o sur da Rusia europea. Esta será visíbel como total no extremo norte da Siberia rusa, no extremo oeste de Islandia, na illa danesa de Groenlandia e na maior parte da metade norte de España, ben como nunha pequena extremidade nordeste de Portugal, no distrito de Braganza.
-
-
-
-
Ron's Gone Wrong é un filme de animación de 2021 dirixido por Sarah Smith e Jean-Philippe Vine (no seu debut como director), e codirixido por Octavio E. Rodriguez, producido por Julie Lockhart e Lara Breay e escrito por Peter Baynham e Smith. O filme conta a historia de Barney, un solitario rapaz que se fai amigo dun "B-bot" defectuoso chamado Ron; os B-bots son robots cos cales os seus compañeiros de clase socializan e se relacionan. Barney debe atopar a maneira de protexer a Ron, quen é buscado polos empregados da compañía que o creou.
-
-
The Titan's Curse é unha novela de fantasía e aventuras baseada na mitoloxía grega escrita polo autor estadounidense Rick Riordan en 2007. É a terceira novela da serie Percy Jackson and the Olympians e a secuela de The Sea of Monsters. Segue as aventuras do semideus Percy Jackson, de catorce anos, mentres el e os seus amigos emprenden unha perigosa misión para rescatar á súa amiga Annabeth Chase e á deusa grega Artemisa, que foron secuestradas.
-
-
A posición do can é unha postura sexual na que a muller se agacha, se pon a catro patas (xeralmente nas mans e os xeonllos) ou se deita sobre o seu abdome, para manter relacións sexuais, xa sexa penetración sexual ou outra actividade sexual. O estilo can é unha forma de posición de penetración desde atrás, outros están co compañeiro que o recibe deitado de lado na posición sexual da culler ou a posición do misioneiro invertida. O sexo sen penetración nesta posición tamén pode ser considerado como estilo can.
-
Ruxe Ruxe é un grupo de música galego formado en Aríns (Santiago de Compostela) en 1996. A súa música é rock combinada con sons tradicionais galegos, empregando ás veces instrumentos como a gaita e o saxofón, e sempre con actitude punk. As súas letras son en galego e de temática moi variada nas que predominan os textos costumistas, os de carácter social e o realismo máxico.
-
-
O termo petismo define a filosofía non-oficial do Partido dos Trabalhadores (PT), principal partido político brasileiro de centro-esquerda. A denominación vén da práctica político-electoral diferenciada do PT en relación aos grandes partidos do país e aos demais partidos de esquerda. O "Petismo" nace co Manifesto de Fundación do PT, documento que marca o nacemento do partido, comprometido co socialismo democrático.
-
Laureano Oubiña Piñeiro, nado na Modia (Cambados) o 30 de marzo de 1946, é un empresario, contrabandista e narcotraficante galego. Foi condenado en tres ocasións por delitos contra a saúde pública: en 1990, no marco do sumario 13/90 (máis coñecido como Operación Nécora), foi condenado a 12 anos de prisión por tráfico de tabaco. A segunda foi de 4 anos de prisión por traficar en 1997 con 6 toneladas de haxix desde Galiza até os Países Baixos.
-
HTTP 404, 404 not found, 404, 404 error, page not found ou file not found é unha mensaxe de erro do código estándar de resposta do protocolo HTTP que indica que o cliente se puido comunicar co servidor pero que este non foi capaz de atopar o que se buscaba. Un erro 404 indica que o recurso buscado, xeralmente unha páxina web, pode estar dispoñible no futuro. O erro tamén pode aparecer cando un servidor non quere revelar se ten a información solicitada.
-
-
-
Anna's Archive é un motor de procura de código aberto para bibliotecas na sombra (repositorios de textos dixitais que non son facilmente accesíbeis doutro xeito). Foi creado por alguén que utiliza o Pseudónimo Anna #, pouco despois dos intentos de pechar a biblioteca Z-Library en 2022, aplicando a lei. O sitio web recolle rexistros de Z-Library, Sci-Hub, e a Biblioteca Genesis (LibGen), entre outras fontes.
-
A masturbacion coas mamas ou coito mamario é un acto sexual, que se realiza como preludio ou como sexo sen penetración, que implica a estimulación do pene cos peitos dunha muller e viceversa. Implica colocar o pene entre os peitos dunha muller e mover o pene cara a arriba e abaixo para simular a penetración sexual e para crear pracer sexual. Pódese usar como alternativa a unha masturbación manual.
